Сяргей Мікалаевіч Ходзін

Сярге́й Мікала́евіч Хо́дзін (нар. 31 мая 1963, Путчына Дзяржынскага раёна Мінскай вобласці) — беларускі гісторык. Кандыдат (1990), доктар гістарычных навук (2017).

Сяргей Мікалаевіч Ходзін
Дата нараджэння	31 мая 1963(1963-05-31) (61 год)
Месца нараджэння	Путчына, Путчынскі сельсавет, Дзяржынскі раён, Мінская вобласць, БССР, СССР
Грамадзянства	Беларусь
Род дзейнасці	навуковец
Месца працы	гістарычны факультэт БДУ
Навуковая ступень	доктар гістарычных навук
Альма-матар	гістарычны факультэт БДУ (1985)
Навуковы кіраўнік	Іраіда Восіпаўна Царук

Біяграфія

У 1985 годзе скончыў гістарычны факультэт Беларускага дзяржаўнага ўніверсітэта. Дэкан гістарычнага факультэта БДУ (2000-2016), загадчык кафедры крыніцазнаўства (2001-2016, з 2019), прарэктар па вучэбнай рабоце і інтэрнацыяналізацыі адукацыі (2016-2018).

Даследуе сацыяльна-эканамічную і палітычную гісторыю XX стагоддзя, тэорыю і гісторыю крыніцазнаўства, крыніцазнаўства гісторыі Беларусі. Аўтар звыш 100 навуковых прац.

Асноўныя працы

• Крыніцы гісторыі Беларусі (гісторыка-кампаратыўнае вывучэнне): Навучальны дапаможнік. Мінск, 1999.
• Беларуская вёска ў міжваенны час: шляхі і формы савецкай мадэрнізацыі (1921—1939). Мінск, 2014.
• Мадэрнізацыя ў Беларусі (1921–1939). Мінск, 2019

Літаратура

• Памяць: Гіст.-дакум. хроніка Дзяржынскага р-на. — Мн.: БелТА, 2004. — 704 c.: іл. — ISBN 985-6302-64-1.