Сяргей Паўлавіч Абламейка

Сяргей Паўлавіч Абламейка (нар. 1962, Мінск) — беларускі журналіст, пісьменнік, доктар гістарычных навук.

Сяргей Паўлавіч Абламейка
Род дзейнасці	журналіст, гісторык, публіцыст, пісьменнік, радыёвядучы
Дата нараджэння	1962
Месца нараджэння	Мінск, БССР, СССР
Месца працы	Мінскі аўтамабільны завод Беларускі дзяржаўны музей народнай архітэктуры і побыту Скарынаўскі Цэнтр Беларуская служба Радыё «Свабода»
Альма-матар	гістарычны факультэт БДУ
Член у	Талака
Узнагароды і прэміі	літаратурная прэмія імя Ежы Гедройца

Біяграфія

Скончыў гістарычны факультэт БДУ і дактарантуру Каталіцкага ўніверсітэта ў Любліне. Быў рабочым на МАЗе, выкладаў гісторыю ў школе, працаваў у Беларускім дзяржаўным музеі народнай архітэктуры і побыту, і ў Нацыянальным навукова-даследчым цэнтры імя Францішка Скарыны. Быў актывістам «Талакі» і іншых нефармальных моладзевых аб’яднанняў.

У 1990 годзе стаў адным з стваральнікаў часопіса «Унія» і ініцыятарам аднаўлення Грэка-каталіцкай Царквы ў Беларусі. Быў першым кіраўніком грэка-каталіцкай парафіяльнай супольнасці ў Мінску.

З 1990 года — карэспандэнт «Радыё Свабода» ў Мінску. З 1995 года жыве ў Празе і працуе ў «Радыё Свабода».

Творчасць

Аўтар цыклаў гістарычных і культуралагічных перадач «Terra Incognita» і «Беларускія раздарожжы», шматгадовы аўтар перадачы «Сымбаль Веры» на «Радыё Свабода».

Кнігі

• Мой Картаген. — Радыё Свабодная Эўропа / Радыё Свабода, 2015. — 316 с.: іл.. — (Бібліятэка Свабоды. ХХІ стагодзьдзе). — ISBN 978-0-929849-72-0.
• Дом літаратара. — Мінск: Галіяфы. — С. 200. — ISBN 978-985-7140-09-1.
• Нечаканы Скарына. — Радыё Свабодная Эўропа / Радыё Свабода, 2018. — 328 с.: іл.. — (Бібліятэка Свабоды. XXI стагодзьдзе). — ISBN 978-0-929849-10-2.
• Каліноўскі і палітычнае нараджэньне Беларусі. — 2-е выд., дап.. — Радыё Свабодная Эўропа / Радыё Свабода, 2020. — С. 140 с.: іл.. — ISBN 978-0-929849-77-5.
• Невядомы Менск. Гісторыя зьнікненьня. Кніга першая. — Радыё Свабодная Эўропа / Радыё Свабода, 2021. — 476 с.: іл. с. — (Бібліятэка Свабоды. ХХІ стагодзьдзе). — ISBN 978-0-929849-86-7.

Прэміі і ўзнагароды

• Літаратурная прэмія імя Ежы Гедройца, 2022.

Спасылкі

• Блог на сайце Радыё Свабода