Сяхновіцкі крухмальны завод

Сяхно́віцкі крухмальны завод — прадпрыемства, якое дзейнічала з 1903 па 1920-я гады ў вёсцы Сяхновічы Кобрынскага павета (цяпер Вялікія Сяхновічы ў Жабінкаўскім раёне Брэсцкай вобласці Беларусі).

У 1908—1920 гадах меў паравы лакамабіль. У 1913 годзе працавала 12 рабочых, выраблена 25 тысяч пудоў крухмалу. Пры заводзе была сыраварня. Сыравіна пастаўлялася з маёнтка памешчыка.

Літаратура

• Сяхно́віцкі крухма́льны заво́д // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 364. — 10 000 экз. — ISBN 985-11-0035-8. — ISBN 985-11-0251-2 (т. 15).