Таварыства беларускай культуры ў Літве
Таварыства беларускай культуры ў Літве (ТБК) — беларуская арганізацыя, створаная ў Літоўскай Рэспубліцы ў 1989 годзе.
| Таварыства беларускай культуры ў Літве | |
|---|---|
| Краіна | |
| Адміністрацыйны цэнтр | |
| Тып арганізацыі | грамадскае аб’яднанне і грамадская арганізацыя |
| Кіраўнік | Аляксандр Эдмундавіч Адамковіч |
| Заснаванне | |
| Дата заснавання | 4 лютага 1989 |
| tavarystva.lt | |
Кіруе таварыствам Рада з 9 свабодна выбраных на 2 гады сяброў[1]. Старшыня, станам на сакавік 2025 года — Аляксандр Адамковіч.
4 лютага 1989 года адбыўся арганізацыйны З’езд Таварыства беларускай культуры (ТБК), які выбраў кіраўніцтва і склаў праграму дзейнасці. Пачатковая і галоўная мэта ТБК — адраджэнне, захаванне і развіццё беларускае культуры ў Літве. Прыярытэт дзейнасці ТБК таксама змаганне за свабоду і незалежнасць Беларусі, за дэмакратычныя каштоўнасці, праўдзівую беларускую гісторыю і культуру[1].
Дзякуючы працы ў першую чаргу Лявона Луцкевіча, Леваніда Караля, Міколы Рулінскага, Кастуся Шышэі і іншых, Таварыства беларускай культуры пачало адраджаць беларускую культурную спадчыну ў Літве[1].
У 1993—1995 гадах ТБК выдавала беларускамоўную старонку «Беларус Віленшчыны» ў віленскіх рускіх і польскай газетах.
ТБК ладзіць сталыя імпрэзы і сустрэчы, запрашае літаратараў, навукоўцаў і іншых грамадскіх дзеячаў з Беларусі і замежжа. Кожныя 4 гады Таварыства беларускай культуры арганізуе канферэнцыю беларусаў Балтыйскага рэгіёна і Беларусі. Станам на сакавік 2025 года, ТБК мае ўласную сядзібу з бібліятэкай, а таксама ўчастак у Вільні пад пабудову культурнага цэнтра імя Якуба Коласа[1].
Старшыні
правіць- 4 лютага 1989 — 29 верасня 2014 — Хведар Нюнька;
- з верасня 2014 — в. а. Васіль Акуневіч;
- Аляксандр Адамковіч