Таццяна Сяргееўна Марозкіна

Таццяна Сяргееўна Марозкіна (руск.: Татьяна Сергеевна Морозкина; 4 чэрвеня 1940 — 3 лютага 2015) — беларуская вучоная-біяхімік, спецыяліст у галіне эксперыментальнай анкалогіі. Кандыдат медыцынскіх навук (1967). Доктар біялагічных навук (1978), прафесар (1983). Лаўрэат Дзяржаўнай прэміі Беларусі (1998). Адзіная жанчына ў Беларусі — член прэзідыума ВАК.

Таццяна Сяргееўна Марозкіна
Дата нараджэння	4 чэрвеня 1940(1940-06-04)
Месца нараджэння	Шчолкава, гарадское паселішча Шчолкава[d], Маскоўская вобласць, РСФСР, СССР
Дата смерці	3 лютага 2015(2015-02-03) (74 гады)
Грамадзянства	СССР  Беларусь
Род дзейнасці	біяхімік, выкладчыца ўніверсітэта
Навуковая сфера	анкалогія, вітаміналогія[d], біяхімія, радыебіялогія, нутрыцыялогія[d], хіміярадыятэрапія[d] і дыеталогія
Месца працы	БДМУ ВАК РБ
Навуковая ступень	кандыдат медыцынскіх навук (1967) і доктар біялагічных навук (1978)
Навуковае званне	прафесар (1983)
Альма-матар	Мінскі медыцынскі інстытут (1963)
Член у	Каралеўскае таварыства па папярэджанні жорсткага абыходжання з жывёламі[d]
Прэміі

Біяграфія

Скончыла Мінскі медыцынскі інстытут (1963), дзе і выкладала; прафесар кафедры біялагічнай хіміі Беларускага дзяржаўнага медыцынскага ўніверсітэта.

Навуковая дзейнасць

Навуковыя інтарэсы і тэматыка публікацый: анкалогія; радыебіялогія; выбіральная хіміярадыеахова нармальных (незлаякасных) тканак пры тэрапіі хворых на рак; праблемы харчавання і інш.

Сярод апублікаваных прац:

• Применение лекарственных препаратов избирательного антиоксидантного действия в лечении больных злокачественными опухолями / В. Н. Суколинский, А. И. Шмак, А. В. Камышников, Т. С. Морозкина // Здравоохранение. — 2004. — № 5 . — С. 59—61;
• Избирательное влияние комплекса витаминов E, A, C на антиоксидантную защиту опухолевых и нормальных тканей / Морозкина, Т. С., Суколинский, В. Н., Стрельников, А. В. // Вопросы медицинской химии, 1991, том: 37, выпуск 6 — С. 59—61;
• Основы биохимии : Учеб. для учащихся мед. училищ и колледжей по специальности «Лаб. диагностика» / В. К. Кухта, Т. С. Морозкина, А. Д. Таганович, Э. И. Олецкий. — М.: Медицина, 1999. — 415, [1] с. : ил. ; 22 см. — (Учебная литература для учащихся медицинских училищ). — ISBN 5-225-04450-6;
• Биологическая химия : учебник для студентов медицинских высших учебных заведений / В. К. Кухта, д.м.н., проф., засл. деят. науки Респ. Беларусь, Т. С. Морозкина, д.б.н., проф., Э. И. Олецкий, к.м.н., доц., А. Д. Таганович, д.м.н., проф.; под ред. А. Д. Тагановича. — Москва: БИНОМ ; Минск: Асар, 2008. — 687 с. : ил., цв. ил. ; 27 см. — ISBN 978-5-9518-0261-3, ISBN 978-9856711-37-7.

Узнагароды

За цыкл прац «Распрацоўка і вынікі ўкаранення ў клінічную практыку новых высокаэфектыўных спосабаў дыстанцыйнай прамянёвай тэрапіі анкахворых» прафесар Т. С. Марозкіна ў складзе творчага калектыву НДІ анкалогіі і медыцынскай радыялогіі МЗ РБ у 1997 годзе была ўдастоена Дзяржаўнай прэміі РБ.

Грамадская дзейнасць

Невымерны ўклад Т. Марозкінай у справу абароны жывёл. Яна была ўдзельніцай першага ў Беларусі міжнароднага кангрэса па абароне жывёл, нястомным прапагандыстам этыкі ў адносінах да жывёл у сродках масавай інфармацыі. БДМУ была першай медыцынскай ВНУ ў былым Савецкім Саюзе, дзе адмовіліся ад вопытаў над такімі высокаарганізаванымі жывёламі, як сабакі. Т. С. Марозкіна была першапраходцам у гэтай этычнай праблеме. Таццяна Сяргееўна член Каралеўскага таварыства абароны жывёл (Вялікабрытанія).

Літаратура

• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).
• Республика Беларусь : энциклопедия. [В 7 т.]. Т. 5. — Минск, 2007.
• Памяти Татьяны Сергеевны Морозкиной // Здравоохранение. — 2015. — № 3. — С. 77.

Спасылкі

• Морозкина Татьяна Сергеевна Архівавана 21 кастрычніка 2022. (руск.)
• База патентов Беларуси (руск.)