Уладзімір Іосіфавіч Макейчык

Уладзі́мір Іосіфавіч Маке́йчык (нар. 1949, Мінск) — беларускі дзяржаўны дзеяч, былы міністр спорту і турызму Рэспублікі Беларусь (1997—1998).

Уладзімір Іосіфавіч Макейчык
Міністр спорту і турызму Рэспублікі Беларусь 13 студзеня 1997 — 16 сакавіка 1998
Прэзідэнт	Аляксандр Лукашэнка
Кіраўнік урада	Сяргей Лінг
Папярэднік	Уладзімір Рыжанкоў
Пераемнік	Мікалай Ананьеў
Нараджэнне	1949 Мінск, БССР, СССР
Нацыянальнасць	беларус
Адукацыя	БДУФК Мінская вышэйшая партыйная школа

Біяграфія

Скончыў Беларускі дзяржаўны інстытут фізічнай культуры і Мінскую вышэйшую партыйную школу.

Працоўную дзейнасць пачаў у 1966 годзе ў якасці слесара на Мінскім прыборабудаўнічым заводзе імя У. І. Леніна.

З 1971 — старшы трэнер Камітэта па фізічнай культуры і спорту пры Савеце Міністраў БССР.

У 1972—1976 — на камсамольскай рабоце.

З 1976 працаваў намеснікам старшыні аблсавету ДСТ «Буравеснік».

У 1979—1994 — на адміністрацыйнай працы ў Міністэрстве асветы БССР, Савеце Міністраў БССР, Кабінеце Міністраў Рэспублікі Беларусь.

З 1995 года — загадчык сектара па справах грамадскіх аб’яднанняў і фізічнай культуры апарата Кабінета Міністраў Рэспублікі Беларусь.

13 студзеня 1997 года быў прызначаны Міністрам спорта і турызму Рэспублікі Беларусь.

16 сакавіка 1998 года ў сувязі з пераходам на іншую працу быў вызвалены ад пасады міністра.

Спасылкі

• Старонка на сайце Прэс Дасье Архівавана 4 сакавіка 2016. (руск.)