Уладзімір Міхайлавіч Малец

Уладзімір Міхайлавіч Малец (нар. 18 кастрычніка 1955, в. Геранёны Іўеўскага раёна Гродзенскай вобласці) — беларускі палітык.

Уладзімір Міхайлавіч Малец
намеснік Міністра архітэктуры і будаўніцтва Беларусі[d] 2006 — 2011
Нараджэнне	18 кастрычніка 1955(1955-10-18) (67 гадоў) Геранёны, Геранёнскі сельсавет, Іўеўскі раён, Гродзенская вобласць, БССР, СССР
Адукацыя	БНТУ Мінская вышэйшая партыйная школа
Дзейнасць	палітык, дзяржаўны дзеяч
Узнагароды	Ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь Ганаровая грамата Парламенцкага Сходу Саюза Беларусі і Расіі[d]

Біяграфія

Скончыў Беларускі політэхнічны інстытут (інжынер-будаўнік), Мінскі інстытут паліталогіі і сацыяльнага кіравання КПБ (палітолаг). Працоўную дзейнасць пачаў інжынерам упраўлення капітальнага будаўніцтва Ашмянскага райвыканкама Гродзенскай вобласці. Пасля службы ў радах Узброеных Сіл працаваў інжынерам Лідскай майстэрні праектна-тэхналагічнага інстытута «Сельгастэхпраект» Гродзенскай вобласці, інжынерам, старшым інжынерам будаўнічага трэста № 19 горада Ліды, інструктарам, загадчыкам прамыслова-транспартнага аддзела Лідскага гаркама КПБ, галоўным інжынерам упраўлення капітальнага будаўніцтва Лідскага гарвыканкама, старшынёй Лідскага гарадскога Савета народных дэпутатаў, старшынёй Лідскага гарвыканкама, намеснікам старшыні Гродзенскага аблвыканкама. Намеснік Міністра архітэктуры і будаўніцтва Рэспублікі Беларусь (2006—2011).

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга склікання.

Узнагароды

Узнагароджаны юбілейным медалём «90 год Узброеных Сіл Рэспублікі Беларусь», Ганаровай граматай Нацыянальнага сходу Рэспублікі Беларусь, Ганаровай граматай парламенцкага Сходу Саюза Беларусі і Расіі, Ганаровай граматай Савета Міністраў Рэспублікі Беларусь.