Улечу…

«Улечу…» — дэбютны сольны студыйны альбом спявачкі Лючаны (удзельніцы гомельскага гурта «Tim. Big Family»), які выйшаў у 2008 годзе на лэйбле «West Records».

Улечу…
музычны альбом Лючана[d]
Дата выпуску	кастрычнік 2008
Жанр	сучасны рытм-н-блюз[d] і поп-музыка
Краіна	Беларусь
Прафесійныя рэцэнзіі
Experty.by

Спіс песень

№	Назва	Працягласць
1.	«Улечу»
2.	«Lonely Heart»
3.	«Сладким печеньем»
4.	«Ты со мной»
5.	«Mi Amore»
6.	«Убегаю от снов»
7.	«Boom Boom»
8.	«Sin Lee» (Chine Song)
9.	«Song №1»
10.	«Цвет шагов»
11.	«Ты в пролете»
12.	«Подойди ко мне»
13.	«Я жду тебя»
14.	«Встретившись взглядом»
15.	«Улечу» (remix)

Удзельнікі запіса

• Лючана — вакал
• Тимур — прадзюсар

Крытыка

Музычны крытык Дзмітрый Безкаравайны з партала Experty.by падкрэсліў, што «па задумцы гэта, хутчэй за ўсё, стыльны поп з налётам R’n’B. На справе ж прадстаўленая тут калязаходняя поп-музыка, хай і ўскосна, па сваёй наіўнасці, прамалінейнасці і прыкметнай няскладнасці хутчэй нагадвае творчасць гурта „Краски“». Музычны журналіст Сяргей Будкін з партала Experty.by разглядаючы альбом адзначыў, што «ніхто не патрабуе ад папсавікоў складаных аранжыровак ды філясофскіх тэкстаў, але хоць бы самадастатковасьці хацелася, а не гэтага суцэльнага прыпадабненьня ды правінцыйных пантоў». Музычны крытык Алег Клімаў з партала Experty.by выказаў меркаванне, што альбом «у сваім родзе шэдэўральны. У ім дрэнна ўсё! Афармленне, музыка, тэксты, аранжыроўкі, спевы, усё зраслося ў адной кропцы невяртання». Музычны журналіст Зміцер Падбярэзскі з партала Experty.by падсумаваў: «усё зроблена як млявая копія далёка не арыгінальнай творчасьці таго, што да музыкі мае мала адносінаў».

Рэцензія Алега Клімава на альбом «Улечу…» была названа найлепшай за 2008 год паводле версіі лэйбла «West Records».