Універсітэт Нотр-Дам

Універсітэт Нотр-Дам (англ.: University of Notre Dame) — амерыканская прыватная вышэйшая навучальная ўстанова са статусам даследчага ўніверсітэта, якая месціцца ў мясцовасці Нотр-Дам у штаце Індыяна, ЗША.

Універсітэт Нотр-Дам
англ.: University of Notre Dame
Арыгінальная назва	англ.: University of Notre Dame
Заснаваны	1842
Студэнты	12 683 і 12 946
Размяшчэнне	Нотр-Дам, Індыяна, ЗША
Сайт	nd.edu
Медыяфайлы на Вікісховішчы

Агульная характарыстыка

Французскі каталіцкі святар Эдвард Сорын заснаваў вучэльню ў 1842 годзе. Універсітэт стаў больш вядомым у пачатку ХХ стагоддзя. Створаны першапачаткова для мужчын, універсітэт пачаў прымаць жанчын на бакалаўрыят у 1972 годзе. Размешчаны ўніверсітэт у мястэчку Нотр-Дам у двух гадзінах язды ад Чыкага. Сімвал універсітэта — сабор з залатым купалам, на вяршыні якога знаходзіцца статуя Дзевы Марыі (фр.: Notre Dame).

Сёння гэта адзін з лепшых універсітэтаў ЗША. Бюджэт універсітэта складае больш за 18 мільярдаў долараў ЗША, што з'яўляецца адным з найбуйнейшых сярод універсітэтаў ЗША. Універсітэт штогод траціць на навуковыя даследаванні больш за 240 мільёнаў долараў ЗША.

Універсітэт складаецца з сямі школ і каледжаў. Універсітэт асабліва вядомы сваімі юрыдычнымі і медыка-біялагічнымі праграмамі. Нотр-Дам падтрымлівае сістэму бібліятэк, культурных цэнтраў і навуковых музеяў. Большасць студэнтаў універсітэта жывуць на тэрыторыі кампуса ў адным з 33 інтэрнатаў. Супольнасць выпускнікоў універсітэта налічвае больш за 150 тысяч былых студэнтаў універсітэта.

Структура

• Школа архітэктуры
• Каледж мастацтваў і літаратуры
• Каледж бізнесу
• Каледж інжынерыі
• Школа глабальных спраў
• Школа права
• Каледж прыродазнаўчых навук
• Школа магістратуры і аспірантуры

Гл. таксама

• Спіс універсітэтаў штата Індыяна

Спасылкі

• На Вікісховішчы ёсць медыяфайлы па тэме Універсітэт Нотр-Дам
• Афіцыйная інтэрнэт-старонка ўстановы