Упель

У́пель — ручай у Астравецкім раёне Гродзенскай вобласці Беларусі, левы прыток ракі Лоша (басейн Віліі).

Упель
Характарыстыка
Даўжыня	3,8 км
Вадацёк
Выток
• Каардынаты	54°42′19,90″ пн. ш. 26°09′17,30″ у. д.
Вусце	Лоша
• Каардынаты	54°40′38,40″ пн. ш. 26°12′02,70″ у. д.
Размяшчэнне
Водная сістэма	Лоша → Ашмянка → Вілія → Нёман → Балтыйскае мора
Краіна	Беларусь
Рэгіён	Гродзенская вобласць
Раён	Астравецкі раён
выток вусце
выток вусце

Даўжыня 3,8 км. Пачынаецца за 1,5 км на паўночны ўсход ад вёскі Міцюны, упадае ў Лошу за 1,2 км на паўднёвы ўсход ад вёскі Гудзянікі. Рэчышча каналізаванае.

Назва

Назва літоўскага паходжання, звязаная з літоўскім upelis «рэчка; ручаіна», upė «рака».

Такога ж паходжання літоўскія рачныя назвы Upė, Upis, Upius (назвы без пашыральнікаў), Upelis, Upalė, Upalis, Upėsė, Upyna, Upėžis, Upita (назвы з разнастайнымі пашыральнікамі), буйная рака на Павоччы Упа (прыток Акі).

Пашыральнік -el- у літоўскай мове цяпер найперш выкарыстоўваецца для ўтварэння памяншальна-ласкальных формаў, але ў ранейшы час яго функцыі былі шырэйшыя. З ім утвораныя водныя назвы Metelys (возера), Tyrelis (рака).

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.