Флагман 1-га рангу

Фла́гман 1-га ра́нгу — воінскае званне Марскіх Сіл Рабоча-Сялянскай Чырвонай Арміі Саюза ССР (МС РСЧА СССР)^[1] было ўведзена Пастановай ЦВК СССР і СНК СССР ад 22 верасня 1935 года^[2] і зацверджана пастановай Савета Народных Камісараў СССР № 2591 для Марскіх Сіл РСЧА СССР ад 22 верасня 1935 года і абвешчана загадам Народнага Камісара абароны № 144 ад 26 верасня 1935 года. Званне флагман флоту 1-га рангу было адменена 7 мая 1940 года ў сувязі з увядзеннем новых званняў, зацверджаных Указам Прэзідыума Вярхоўнага савета СССР «Аб устанаўленні воінскіх званняў вышэйшага каманднага саставу Ваенна-Марскога Флоту».

Вышэй за флагмана 2-га рангу, ніжэй за флагмана флоту 2-га рангу. Адпавядала званням камкора, карпуснога камісара, карваенюрыста.

Парадак прысваення і пазбаўлення звання

Для ваеннаслужачых каманднага і начальніцкага складу, якія мелі ваеннае званне камбрыг (і яму адпаведныя ваенныя званні) і вышэй, тэрмін выслугі ў ваенных званнях не ўстанаўліваўся. Прысвойванне гэтым ваеннаслужачым званняў камдываў і вышэйшых камандных званняў (і адпаведных ім ваенных званняў) ажыццяўлялася рашэннем Народнага Камісара Абароны СССР. Прысваенне чарговых ваенных званняў да камкора ўключна (і ім адпаведных) ажыццяўлялася загадамі Народнага камісара абароны СССР.

Пазбаўленне ваеннага звання камдыва і вышэй (і ім адпаведных) ажыццяўлялася па прысуду суда, зацверджанаму Урадам Саюза ССР.

Прысваенне звання

26.11.1935 — Аляксандр Карлавіч Векман (1884—1955), старшыня пастаяннай камісіі па прыёме будуемых караблёў.
20.11.1935 — Канстанцін Іванавіч Душэнаў (1895—1940), камандуючы Паўночнай ваеннай флатыліяй.
20.11.1935 — Іван Мікіціч Кадацкі-Руднёў (1889—1938), камандуючы Амурскай ваеннай флатыліяй.
20.11.1935 — Рыгор Пятровіч Кірэеў (1890—1938), памочнік камандуючага Ціхаакіянскім флотам.
20.11.1935 — Іван Мартынавіч Лудры (1895—1937), намеснік начальніка Марскіх Сіл РСЧА.
20.11.1935 — Эдуард Самойлавіч Панцэржанскі (1887—1937), начальнік Упраўлення баявой падрыхтоўкі Марскіх Сіл РСЧА.
17.02.1936 — Аляксандр Васільевіч Неміц (1879—1967), намеснік інспектара Марскіх Сіл РСЧА.
25.01.1937 — Аляксандр Кузьміч Сіўкоў (1892—1938), начальнік штаба Балтыйскага флоту.
15.08.1937 — Пётр Іванавіч Смірноў-Святлоўскі (1897—1940), камандуючы Чарнаморскім флотам.
22.02.1938 — Іван Сцяпанавіч Ісакаў (1894—1967), намеснік наркама Ваенна-Марскога Флоту СССР.
03.04.1939 — Піліп Сяргеевіч Акцябрскі (1899—1969), камандуючы Чарнаморскім флотам.
03.04.1939 — Леанід Георгіевіч Ганчароў (1885—1948), начальнік кафедры тактычных якасцяў зброі артылерыйскага факультэта Ваенна-марской акадэміі ВМФ імя К. Я. Варашылава.
03.04.1939 — Гардзей Іванавіч Леўчанка (1897—1981), камандуючы Балтыйскім флотам.
03.04.1939 — Сяргей Пятровіч Ставіцкі (1886—1953), начальнік каманднага факультэта Ваенна-марской акадэміі ВМФ імя К. Я. Варашылава.
03.04.1939 — Георгій Андрэевіч Сцяпанаў (1890—1957), в.а. намесніка начальніка па вучэбнай і навуковай часткі Ваенна-марской акадэміі ВМФ імя К. Я. Варашылава.
03.04.1939 — Іван Сцяпанавіч Юмашаў (1895—1972), камандуючы Ціхаакіянскім флотам.
28.01.1940 — Уладзімір Піліпавіч Трыбуц (1900—1977), камандуючы Балтыйскім флотам.
05.04.1940 — Аляксандр Віктаравіч Шталь (1865—1950), прафесар кафедры ваенна-марской гісторыі каманднага факультэта Ваенна-марской акадэміі ВМФ імя К. Я. Варашылава.

Гл. таксама

Зноскі

↑ З 1938 года Марскія Сілы РСЧА СССР сталі называцца ВМФ СССР, пасля Пастановы ЦВК і СНК СССР № 120/2204 ад 30.12.1937 года «Аб утварэнні народнага камісарыята Ваенна-Марскога Флоту СССР» (абвешчана загадам Народнага Камісара абароны № 5 ад 8.01.1938 года). Да канца 1939 года канчаткова зацвердзілася найменне — Ваенна-Марскі Флот Саюза ССР (ВМФ СССР). Напрыклад: Загад НК ВМФ № 431 ад 22.10.1939 г. зацвердзіў палажэнне аб узнагароджанні значком «Выдатнік Ваенна-Марскога Флоту Саюза ССР», і значок з моманту заснавання вырабляўся з надпісам «Выдатнік ВМФ».
↑ «Аб увядзенні персанальных ваенных званняў начальніцкага складу РСЧА»

Спасылкі

Спіс прысваення вышэйшых афіцэрскіх званняў Арміі, Флоту і НКУС 1935—1942 гг.

[1] З 1938 года Марскія Сілы РСЧА СССР сталі называцца ВМФ СССР, пасля Пастановы ЦВК і СНК СССР № 120/2204 ад 30.12.1937 года «Аб утварэнні народнага камісарыята Ваенна-Марскога Флоту СССР» (абвешчана загадам Народнага Камісара абароны № 5 ад 8.01.1938 года). Да канца 1939 года канчаткова зацвердзілася найменне — Ваенна-Марскі Флот Саюза ССР (ВМФ СССР). Напрыклад: Загад НК ВМФ № 431 ад 22.10.1939 г. зацвердзіў палажэнне аб узнагароджанні значком «Выдатнік Ваенна-Марскога Флоту Саюза ССР», і значок з моманту заснавання вырабляўся з надпісам «Выдатнік ВМФ».

[2] «Аб увядзенні персанальных ваенных званняў начальніцкага складу РСЧА»

[1]

[2]