Франка Армані

Франка Армані (ісп.: Franco Armani; нар. 16 кастрычніка 1986, Касільда, Санта-Фэ) — аргенцінскі футбаліст, брамнік клуба «Рывер Плэйт» і нацыянальнай зборнай Аргенціны. Чэмпіён свету 2022 года.

Франка Армані
Агульная інфармацыя
Нарадзіўся	16 кастрычніка 1986(1986-10-16)[…] (38 гадоў) Касільда[d], дэпартамент Касерас[d], правінцыя Санта-Фэ, Аргенціна
Грамадзянства	Аргенціна
Рост	189 см
Вага	85 кг
Пазіцыя	брамнік
Інфармацыя пра клуб
Клуб	Рывер Плэйт
Нумар	1
Маладзёжныя клубы
Сентраль Кордава Эстудыянтэс Фера Карыль Аэстэ
Клубная кар’ера
2007—2009 Фера Карыль Аэстэ 2 (-4) 2009—2010 Дэпартыва Мерла 37 (-37) 2010—2017 Атлетыка Насьяналь 135 (-101) 2018— Рывер Плэйт 126 (-87)
Нацыянальная зборная
2018— Аргенціна 19 (-18)
Узнагароды і медалі
Чэмпіянаты свету Золата Катар 2022 Кубкі Амерыкі Бронза Бразілія 2019 Золата Бразілія 2021
Медыяфайлы на Вікісховішчы

Біяграфія

Франка Армані нарадзіўся ў правінцыі Буэнас-Айрэс, але футболам пачаў займацца ў маладзёжнай акадэміі клуба з Расарыа «Сентраль Кордава». Пасля займаўся ў акадэміі «Эстудыянтэса» з Ла-Платы, а на прафесійным узроўні дэбютаваў у другім аргенцінскім дывізіёне (Пымера B Насьёналь) у 2006 годзе ў складзе сталічнага «Феракарыль Аэстэ». З дзяцінства Франка з’яўляецца заўзятарам іншага клуба з Буэнас-Айрэса — «Рывер Плэйта».

У сезоне 2009/10 Франка Армані стаў адным з асноўных гульцоў у складзе «Дэпартыва Мерла» і, нягледзячы на тое, што каманда выступала толькі ў Другім дывізіёне Аргенціны, гульня варатара прыцягнула ўвагу самага тытулаванага калумбійскага клуба — «Атлетыка Насьёналя». У тым жа годзе калумбійскі гранд набыў Армані, якому ў першыя тры гады прыйшлося змагацца за месца ў аснове. Толькі з 2013 года Армані паступова стаў асноўным варатаром каманды, а з 2015 года аргенцінец толькі зрэдку пачаў саступаць месца ў варотах сваім партнёрам па камандзе. У 2014 годзе Армані ўстанавіў рэкорд чэмпіянату Калумбіі — 1046 хвілін без прапушчаных галоў запар.

З «Атлетыка Насьёналем» Армані пяць разоў станавіўся чэмпіёнам Калумбіі, двойчы заваёўваў Кубак краіны.

У розыгрышы Кубка Лібертадорэс 2016 года Армані разам з камандай не прапусціў на групавой стадыі ніводнага мяча і ў выніку дапамог сваёй камандзе выйграць турнір. У 2017 годзе Армані перайшоў у «Рывер Плэйт». У 2018 годзе правёў усе матчы сваёй каманды ў розыгрышы Кубка Лібертадорэс і зноў стаў уладальнікам трафея.