Францішак Ксаверый Сапега

Францішак Ксаверый Сапега (1741 або 1746 — 30 студзеня 1806 або 10 лютага 1808) — вялікалітоўскі дзяржаўны і ваенны дзеяч. Апошні ваявода смаленскі (з 1791) і мерацкі (з 1793). Кавалер Ордэна Святога Станіслава (1791).

Францішак Ксаверый Сапега
Franciszek Ksawery Sapieha
Францішак Ксаверый Сапега. Ф. Думонт, 1788
Герб «Ліс»
Ваявода смаленскі 1791 — 1793
Папярэднік	Юзаф Тышкевіч
Пераемнік	пасада скасавана
Нараджэнне	не пазней за 1746 Кодзень, Берасцейскі павет, Берасцейскае ваяводства, Вялікае Княства Літоўскае, Рэч Паспалітая, Польшча
Смерць	30 студзеня 1806(1806-01-30) Ценкавіцы[d], гміна Цеплаводы, Замбкавіцкі павет, Ніжнесілезскае ваяводства, Польшча
Род	Сапегі
Бацька	Ігнацы Сапега
Маці	Ганна з Красіцкіх[d]
Жонка	1) Тэрэза з Суфчынскіх 2) Касільда з Залескіх
Дзеці	Мікалай Сапега і Павел Сапега
Член у	Таргавіцкая канфедэрацыя
Узнагароды

Біяграфія

З кодзенскай лініі магнацкага роду Сапегаў герба «Ліс», сын Ігнацыя і Ганны з Красіцкіх. Меў братоў Юзафа і Каятана Міхала.

У 1750-я навучаўся ў Варшаве, па чым распачаў ваенную кар'еру. У 1763 атрымаў званне паручніка пяцігорскай харугві, а ў 1768 — яе палкоўніка.

Дзякуючы пратэкцыі Казіміра Нестара Сапегі атрымаў пасаду ваяводы смаленскага. Непрыхільна паставіўся да Канстытуцыі 3 мая.

Упершыню ажаніўся з Тэрэзай Суфчынскай (шлюб у 1768, роспуст да 1796), з якой меў сыноў Януша Аляксандра, Мікалая, Паўла і Аляксандра, а таксама дачок Тэклю, Ганну Агнешку і Барбару. Другі раз пабраўся шлюбам з Касільдай Залескай (у 1796). Пахавалі Францішка Ксаверыя Сапегу ў Базаліі.