Хадэрслеў (дацк.: Haderslev) — горад і порт у Даніі ў паўднёва-ўсходняй частцы паўвострава Ютландыя. Размешчаны ў даліне ўздоўж заліва Хадэрслеў-Фіёрд (дацк.: Haderslev fjord), у 14 км ад праліва Малы Бельт. Адміністрацыйны цэнтр аднайменнай камуны (вобласць Паўднёвая Данія). Насельніцтва 21.140 (1 студзеня 2006) [1].

Горад
Хадэрслеў
Haderslev
Герб
Герб
Haderslev Domkirke1.JPG
Краіна
Рэгіён
Камуна
Каардынаты
Заснаваны
Першае згадванне
Горад з
Вышыня цэнтра
10 м
Насельніцтва
21 140 чалавек (2006)
Часавы пояс
Тэлефонны код
+ 45
Паштовыя індэксы
6100
Афіцыйны сайт
haderslev.dk (дацк.) 
Хадэрслеў на карце Даніі
Хадэрслеў (Данія)
Хадэрслеў

ГісторыяПравіць

Першая згадка пра Хадэрслеў датуецца 1228 годам. Хадэрслеў быў, відаць, заснаваны вікінгамі не менш чым за стагоддзе да таго, як атрымаў статус горада ў 1292 годзе. У той час ён быў уладаннем караля і стаў адным з галоўных гандлёвых цэнтраў у паўднёвай Ютландыі. У 1327 годзе ўпершыню згаданы каралеўскі замак Хадэрслеўхус. Ён знаходзіўся на ўсход ад гарадскога сабора.

 
Кафедральны сабор у Хадэрслеве — узор цаглянай готыкі

У наступныя стагоддзі горад квітнеў. Быў пабудаваны гатычны сабор і другі замак Хансбарг (спалены ў 1644 годзе) па ўзоры замка Кронбарг. З-за чумы ў Капенгагене кароль Крысціян IV ажаніўся ў Хадэрслеве.

У 16 стагоддзі горад стаў адным з першых месцаў у Скандынавіі, дзе пачало распаўсюджвацца лютэранства.

З 1864 года Хадэрслеў належаў Прусіі, а таксама Паўночнагерманскаму саюзу, з 1871 года ўваходзіў у склад Германскай імперыі. У 1920 годзе па выніках плебісцыту ў Шлезвігу паўночная яго частка разам з Хадэрслевам перайшла да Даніі (61,4 % жыхароў горада выказаліся за далучэнне да Даніі, 38,6 % за тое, каб застацца ў складзе Германіі) [2].

ЭканомікаПравіць

Хадэрслеў — гандлёвы цэнтр, порт. У горадзе размешчаны прадпрыемствы гарбарнай прамысловасці, машынабудавання, піваварныя заводы, адна з найвядомых у Еўропе, яхтавая верф «X-Yachts».

Зноскі

КрыніцыПравіць

  • Encyclopædia Britannica 2007 Ultimate Reference Suite

СпасылкіПравіць