Хобатнагаловы кускус

Хобатнагаловы кускус (Tarsipes rostratus або Tarsipes spenserae) — сумчаты сысун сямейства Tarsipedidae. Адзіны від сямейства.

Хобатнагаловы кускус
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Сумчатыя Атрад:  Diprotodontia Падатрад:  Phalangeriformes Надсямейства:  Petauroidea Сямейства:  Tarsipedidae Род:  Tarsipes Від:  Хобатнагаловы кускус
Міжнародная навуковая назва
Tarsipes rostratus
Сістэматыка на Віківідах Выявы на Вікісховішчы ITIS   609844 NCBI   38632 EOL   323836

Апісанне

Даўжыня цела 7-8 см, хваста — 9-10 см; вага 13-17 г. Самкі буйнейшыя за самцоў. Поўсць кароткая і грубая. Хвост доўгі і тонкі, хапальны, голы. Вочы маленькія; вушы невялікія, круглявыя. Афарбоўка спіны шэрая, з трыма бурымі падоўжнымі палосамі. Сярэдняя паласа праходзіць ад патыліцы да пачатку хваста, бакавыя — ад плячэй да сцёгнаў. Бакавіны бледна-рудыя, пуза жоўта-белае, галава — светла-бурая. Вялікі палец на канечнасцях супрацьпастаўлены астатнім. II і III пальцы на задніх канечнасцях зрастаюцца, з пазногцямі. Зубы дэгенераваныя, усяго 22; жавальная мускулатура вельмі слаба развітая. У сумцы ў самак 4 смочкі.