Чарлз Феферман

Чарлз Луіс Феферман (англ.: Charles Louis Fefferman; нар. 18 красавіка 1949, Вашынгтон) — амерыканскі матэматык у Прынстанскім універсітэце. Яго асноўнай тэмай даследаванняў з’яўляецца матэматычны аналіз. У 1979 годзе абраны ў Нацыянальную акадэмію навук ЗША.

Чарлз Феферман
англ.: Charles Louis Fefferman
Дата нараджэння	18 красавіка 1949(1949-04-18) (75 гадоў)
Месца нараджэння	Вашынгтон, акруга Калумбія, ЗША
Грамадзянства	ЗША
Род дзейнасці	матэматык, выкладчык універсітэта
Навуковая сфера	матэматыка
Месца працы	Прынстанскі ўніверсітэт Чыкагскі ўніверсітэт
Навуковая ступень	доктарская ступень[d]
Альма-матар	Прынстанскі ўніверсітэт
Навуковы кіраўнік	Эліяс Стэйн
Член у	Нацыянальная акадэмія навук ЗША Амерыканская акадэмія мастацтваў і навук
Узнагароды	Філдсаўская прэмія (1978) прэмія Салема[d] (1971) прэмія імя Бохера[d] (2008) прэмія Стэфана Бергмана[d] (1992) Прэмія Вольфа па матэматыцы (2017) прэмія Алана Уотэрмана[d] (1976)
Медыяфайлы на Вікісховішчы

Біяграфія

Чарлз Феферман нарадзіўся ў яўрэйскай сям’і. Паступіў у каледж у дванаццаць гадоў і напісаў сваю першую навуковую працу на нямецкай мове ў 15-гадовым узросце. Пасля атрымання ў Мэрылендскім універсітэце ў Каледж-Парку ступені бакалаўра ў галіне фізікі і матэматыкі ва ўзросце 17 гадоў і доктарскай ступені ў галіне матэматыкі ў Прынстанскім універсітэце пад кіраўніцтвам Эліяса Штайна ў 20-гадовым узросце, Феферман атрымаў поўную прафесуру ў Чыкагскім універсітэце ў 22 гады. Самы малады прафесар у гісторыі Злучаных Штатаў.

У 24 гады Феферман вярнуўся ў Прынстан у якасці поўнага прафесара — пасада, якую ён займае да гэтага часу. У 1976 годзе ён першым з матэматыкаў атрымаў прэмію Алана Уотэрмана, якой адзначае Нацыянальны навуковы фонд маладых навукоўцаў за ўражальныя дасягненні. За сваю працу ў галіне матэматычнага аналізу на Міжнародным кангрэсе матэматыкаў у Хельсінкі ў 1978 годзе Феферман атрымаў Філдсаўскую прэмію.