Ядуць бамбук (дзве трэція рацыёну), лісце і маладыя парасткі, таксама грыбы, карані, жалуды, лішайнікі і травы. Зрэдку — рыбу, казурак, птушак і дробных сысуноў. Як і вялікая панда, чырвоная панда не можа пераварваць цэлюлозу, і таму ёй трэба, каб выжыць, многа бамбуку [1].
Размнажаюцца ва ўзросце да 18 месяцаў, дасягаюць поўнай сталасці ў два-тры гады. У дзікай прыродзе вялікія рэдка дзеюць разам, акрамя спаравання. Шлюбны перыяд з сярэдзіны студзеня да пачатку сакавіка. Самцы і самкі могуць мець некалькі партнёраў і спароўвацца з імі. Перад тым як нарадзіць самкі пачынаюць будаваць гняздо з галля, травы і лісця, звычайна ў дупле дрэва або між скал. Цяжарнасць ад 112 да 158 дзён. Раджаюцца дзіцяняты з сярэдзіны чэрвеня да канца ліпеня, ад аднаго да чатырох (звычайна 1 або 2), маленькія вагой, ад 110 да 130 г кожны.
