Шумег

Шу́мег (венг.: Sümeg) — горад на захадзе Венгрыі, у медзье Веспрэм. Насельніцтва 6 283 чалавекі (2014).

Горад Шумег венг.: Sümeg Герб Сцяг Выгляд на крэпасць з паветра Краіна Венгрыя Рэгіён Цэнтральна-Задунайскі край Медзье Веспрэм Каардынаты 46°58′39″ пн. ш. 17°16′54″ у. д. Плошча 64,13 км² Афіцыйная мова венгерская Насельніцтва 6283 чалавекі (2014) Шчыльнасць 98,66 чал./км² Часавы пояс UTC+1, летам UTC+2 Тэлефонны код (+36)87 Паштовы індэкс 8330 Афіцыйны сайт sumeg.hu (венг.) Шумег на карце Венгрыі

Медыяфайлы на Вікісховішчы

Геаграфія

Шумег размешчаны прыкладна за 150 км на паўднёвы захад ад Будапешта, за 25 км на поўнач ад Кестхея і ўзбярэжжа возера Балатан, і за 50 км на захад ад Веспрэма.

Гісторыя

Шумегская крэпасць на ўзгорку

Амаль уся гісторыя Шумега звязана з вядомай крэпасцю на высокім узгорку (270 м), заснаванай у XI стагоддзі ў часы кіравання караля Іштвана Святога. У 1241 годзе кароль Бела IV схаваўся ў Шумегскай фартыфікацыі ад нашэсця манголаў, якія не здолелі яе ўзяць. У перыяд турэцкага нашэсця XVI—XVII стагоддзяў крэпасць шмат разоў бралася ў аблогу, але гэтак і не была скароная туркамі. Пасля заняпаду Веспрэма ў 1552 годзе рэзідэнцыя веспрэмскага біскупа была перанесена ў Шумег.

Пасля выгнання турак і ўваходжання Венгрыі ў склад імперыі Габсбургаў, у краіне адбылося нацыянальна-вызваленчае паўстанне на чале з Ферэнцам Ракацы. Пасля здушэння паўстання аўстрыйцы ўзарвалі муры амаль усіх крэпасцей Венгрыі, у т.л. Шумегскай. Нягледзячы на гэта, многія часткі крэпасці даволі добра захаваліся, і ў ёй неаднаразова праводзіліся рэстаўрацыйныя работы.

У XVIII стагоддзі пачаўся рост горада пад сценамі крэпасці, быў пабудаваны біскупскі палац, каменная Узнясенская царква, вялікая колькасць выдатных будынкаў. Аднак у XIX стагоддзі хуткі рост суседніх Веспрэма, Кестхея і Тапальцы ператварыў Шумег у невялічкае правінцыйнае мястэчка.

Славутасці

Біскупскі палац і кляштар францысканцаў

• Шумегская крэпасць — найбуйнейшая і адна з самых вядомых сярэдневяковых крэпасцей Венгрыі
• Узнясенская царква (1757 год, пабудаваная ў стылі ракако)
• Кляштар францысканцаў (1657 год, барока)
• Біскупскі палац (1755 год, барока)

Вядомыя асобы

• Ферэнц Энц — венгерскі ўрач, батанік, садавод.

Гарады-пабрацімы

• Савата, Румынія
• Бадэн-Вюртэмберг, Германія
• Косцян, Польшча
• Вабарна, Італія
• Тапальца, Венгрыя

Літаратура

• Венгрия. Путеводитель. — Вокруг света, 2007. — ISBN 978-5-98652-117-6

Спасылкі

• На Вікісховішчы ёсць медыяфайлы па тэме Шумег