Эдэльвейс (Leontopodium) — род кветкавых раслін сямейства складанакветных (астравых). Каля 40 відаў. Пашыраны ў горных раёнах Еўразіі. Трапляюцца пераважна ў горна-стэпавых і высакагорных паясах, некаторыя на вышыні да 5000 метраў. На Беларусі культывуецца эдэльвейс альпійскі (Leontopodium alpinum).
Шматгадовыя травы вышынёй 3-15 см. Лісце апушанае, чаргаванае, суцэльнае, лінейна-ланцэнтнае. Суквецці — кошыкі, сабраныя ў клубочкі або складаныя паўпарасоннікі, звычайна акружаныя лямцава-апушаным прыкветным лісцем, якое ўтварае характэрную для эдэльвейса фігуру — «зорку». Плод — сямянка. Дэкаратыўныя расліны.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш. — Мн.: БелЭн, 2004. — Т. 18. — С. 46-47. — 472 с. — 10 000 экз. — ISBN 985-11-0295-4 (Т. 18 Кн. 1).
