Якаў Генрыхавіч Далецкі

Я́каў Ге́нрыхавіч Дале́цкі (сапраўднае прозвішча — Фенігштэ́йн; 1888, Расійская імперыя — 19 чэрвеня 1937, СССР) — дзяржаўны і грамадскі дзеяч камуністычнага руху ў РСФСР, наркам унутраных спраў Літбел ССР, кіраўнік ТАСС.

Якаў Генрыхавіч Далецкі
Нараджэнне	1888 Царства Польскае, Расійская імперыя
Смерць	19 чэрвеня 1937(1937-06-19) Масква, РСФСР, СССР
Партыя	Сацыял-дэмакратыя Каралеўства Польскага і Літвы
Член у	Усерасійскі цэнтральны выканаўчы камітэт
Дзейнасць	дзяржаўны дзеяч

Вонкавыя выявы
	Яков Долецкий (нявызн.). Агентство влияния. Коммерсантъ.ru. Архівавана з першакрыніцы 22 верасня 2012. Праверана 6 мая 2012.

Біяграфія

Нарадзіўся ў 1888 годзе ва ўсходняй Польшчы.

Прымаў актыўны удзел у сацыял-дэмакратычным руху Польшчы і Літвы. Падвяргаўся арыштам, знаходзіўся ў турме і ссылцы.

З 1904 года — член выканкама СДКПіЛ.

З 1916 года на партыйнай рабоце.

У 1917 годзе — член Пецярбургскага камітэта бальшавікоў, а неўзабаве і яго Выканаўчага камітэта.

У 1917 годзе — член УЦВК.

З 1919 года — намеснік старшыні СНК Літоўска-Беларускай ССР, член Прэзідыума ЦВК, наркам унутраных спраў Літоўска-Беларускай ССР, член Палітбюро ЦК КП(б) Літоўска-Беларускай ССР.

З 1922 года — член Глаўпалітасветы і адказны сакратар РОСТА.

У 1925—1937 гадах — адказны кіраўнік Тэлеграфнага агенцтва СССР (ТАСС).

Застрэліўся 19 чэрвеня 1937 года, калі даведаўся, што яго павінны арыштаваць.

Сям’я

• Сын — Станіслаў Якаўлевіч Далецкі (1919—1994), дзіцячы хірург, пісьменнік, акадэмік Расійскай акадэміі медыцынскіх навук, двойчы лаўрэат дзяржаўных прэмій.
• Унук — Андрэй Станіслававіч Далецкі (нар. 1947), доктар медыцынскіх навук.
• Унучка — Алена Станіславаўна Далецкая (нар. 1955), рэдактар рускай версіі часопіса «Vogue» ((1998—2010), галоўны рэдактар расійскага выдання часопіса «Interview» (2011—2016).

Спасылкі

• Долецкий Якаў Генрыхавіч (наст. прозвішча Фенигштейн). Інфармацыйнае тэлеграфнае агенцтва Расіі
• Эммануил Иоффе.. Сталин в Беларуси (нявызн.). СБ: Беларусь сегодня (28 мая 2002). Архівавана з першакрыніцы 15 снежня 2009. Праверана 6 мая 2012.
• Альманах. Расея — XX стагоддзе. Біяграфічны слоўнік