Яўген Мікалаевіч Панасенкаў
Яўгеній Мікалаевіч Панасенкаў (руск.: Евгений Николаевич Понасенков; нар. 13 сакавіка 1982) — расійскі гісторык, які спецыялізуецца на гістарычным рэвізіянізме, тэлевядучы, рэжысёр. Удзельнік грамадскага аб’яднання «Руская акадэмія навук і мастацтваў»[1], член Незалежнага савета па правах чалавека[2]. Здымаўся ў фільмах і серыялах. Арганізатар шматлікіх культурных мерапрыемстваў; аўтар публіцыстычных прац на тэму напалеонаўскіх войнаў, якія выклікалі супярэчлівую рэакцыю з боку навукова-гістарычнай супольнасці.
| Яўгеній Панасенкаў | |
|---|---|
| руск.: Евгений Понасенков | |
 | |
| Род дзейнасці | публіцыст, гісторык, рэжысёр |
| Дата нараджэння | 13 сакавіка 1982 (42 гады) |
| Месца нараджэння | |
| Грамадзянства | |
| Месца працы | |
| Альма-матар |
|
| Узнагароды і прэміі |
 |
| Сайт | ponasenkov.net |
 Медыяфайлы на Вікісховішчы | |
Біяграфія
правіцьНарадзіўся 13 сакавіка 1982 года ў Маскве ў сям’і ваеннага ўрача і інжынера. Па матчынай галіне мае арыстакратычныя карані[3]. Пачатковую адукацыю атрымаў у маскоўскай школе № 1287 з паглыбленым вывучэннем англійскай мовы. Па ўласных успамінах Панасенкава цікавіцца эпохай Напалеона ён пачаў з 9 гадоў і сцвярджае, што яшчэ падчас вучобы ў школе ён займаўся вывучэннем спецыяльнай літаратуры і зборнікаў дакументаў у бібліятэцы музея «Барадзінская бітва» . У 1999—2004 гг. вучыўся на гістарычным факультэце МДУ, спецыялізаваўся на гісторыі Напалеонаўскіх войнаў пад кіраўніцтвам Фядосава. Выступаў з дакладамі на навуковых канферэнцыях. Па словах Панасенкава, дыплом аб заканчэнні МДУ не стаў абараняць з-за прызначанага на дзень абароны канцэрту, таму дыплома аб вышэйшай адукацыі не мае[4]. З 2001 года браў удзел у навуковых канферэнцыях, публікаваў навуковыя і публіцыстычныя артыкулы, а таксама выступаў з лекцыямі і інтэрв’ю па тэме вайны 1812 года. У 2004 годзе выдаў кнігу «Правда о войне 1812 года», у якой усклаў віну ў развязванні канфлікта на расійскі бок і выказаў пункт гледжання аб бяздарнасці расійскага камандавання, уключаючы імператара Аляксандра I і фельдмаршала Кутузава. 26 чэрвеня 2014 года ў Інстытуце навуковай інфармацыі па грамадскіх навуках РАН на сумесным пасяджэнні Навуковага савета РАН «Гісторыя міжнародных адносін і знешняй палітыкі РФ» і Інстытута расійскай гісторыі РАН выступіў з дакладам «Дзве мадэлі рэфармавання Еўропы: Напалеон і Аляксандр I» па тэме «Замежныя паходы Рускай арміі 1813—1814 гг. і рэфармаванне Еўропы». У 2015 годзе ў часопісе «Мхітар Гош» у сумесным з Т. А. Сакаянам артыкуле «Характар і мэты антыфранцузскіх кааліцый» у агульным выглядзе былі паказаны прычыны ўзнікнення антыфранцузскіх кааліцый і іх мэты. Аўтары асвятлілі прагрэсіўныя рэформы Напалеона, якія выклікалі ўзмацненне варожасці еўрапейскіх манархаў супраць Францыі. У артыкуле абгрунтоўваецца тэзіс, што Напалеон быў супраць магчымай вайны і прыкладаў усе намаганні, каб яе пазбегнуць. У 2017 годзе выдаў кнігу «Первая научная история войны 1812 года», у якой працягнуў развіваць думкі, выкладзеныя ў папярэдняй працы.
Бібліяграфія
правіцьКнігі
правіць- Понасенков Е. Н. Правда о войне 1812 года. — Москва: Рейтар, 2004. — 408 с. — 1 000 экз. — ISBN 5-8067-0019-4.
- Понасенков Е. Н. Танго в одиночестве. — М.: Рейтар, 2007. — 376 с. — 500 экз. — ISBN 5-8067-0019-4.
- Понасенков Е. Н. Первая научная история войны 1812 года. — М.: АСТ, 2017. — 800 с. — (Скандалы истории). — 5 000 экз. — ISBN 978-5-17-102143-6.; 2-е издание. — исправленное и дополненное. — М.: АСТ, 2018. — 864 с. — (Скандалы истории). — 24 000 экз. — ISBN 978-5-17-107656-6.
Зноскі
- ↑ Понасенков Евгений // Who is Who. Русское издание. (Who’s Who. Russian Edition). М.: Астрея, 2006. С. 319
- ↑ Независимый совет по правам человека создан: обращайтесь!. Московский комсомолец.
- ↑ https://ponasenkov.net/biography/(недаступная спасылка)
- ↑ https://www.youtube.com/watch?v=62RW5x6FzjY