1-я Буда-Кашалёўская партызанская брыгада
1-я Буда-Кашалёўская партызанская брыгада — партызанская брыгада, створаная ў жніўні 1943 года на базе атрадаў, вылучаных 10-й Журавіцкай партызанскай брыгадай. Дзейнічала на тэрыторыі Буда-Кашалёўскага і Жлобінскага раёнаў. 2 кастрычніка, 20 — 25 лістапада, 2 снежня 1943 года брыгада (1585 партызан, 4 атрады) паатрадна злучылася з Чырвонай Арміяй.
| 1-я Буда-Кашалёўская партызанская брыгада | |
|---|---|
| Гады існавання | 1943 |
| Краіна |
 СССР Беларуская ССР |
| Падпарадкаванне | Беларускі штаб партызанскага руху |
| Уваходзіць у | Гомельскае партызанскае злучэнне |
| Тып | партызаны |
| Функцыя | змаганне з акупантамі |
| Дыслакацыя | Буда-Кашалёўскі і Жлобінскі раёны |
| Войны |
Другая сусветная вайна Вялікая Айчынная вайна |
| Удзел у | |
| Камандзіры | |
| Вядомыя камандзіры | Аляксей Мікалаевіч Дземчанка |
Склад правіць
- 108-ы партызанскі атрад імя Р. І. Катоўскага;
- 262-і партызанскі атрад імя В. П. Чкалава;
- 263-і партызанскі атрад імя М. І. Кутузава.
Пазней у складзе брыгады былі створаны:
- партызанскі атрад імя К. К. Ракасоўскага;
- партызанскі атрад імя А. В. Суворава,
108-ы партызанскі атрад быў вылучаны ў самастойны.
15 кастрычніка 1943 года з асабовага складу 3-й роты 263-га атрада імя М. І. Кутузава арганізаваны атрад «Смерць фашызму» (расфарміраваны 4 лістапада таго ж года), а таксама згадваецца атрад імя Р. К. Арджанікідзэ, але яго баявая дзейнасць не праследжваецца.
Камандаванне правіць
Камандзір правіць
- Аляксей Мікалаевіч Дземчанка (жнівень — снежань 1943).
Камісар правіць
- Станіслаў Паўлавіч Каспрук (жнівень — снежань 1943).
Начальнікі штаба правіць
- Аркадзь Ягоравіч Фінадзееў (жнівень — кастрычнік 1943);
- Пётр Яфрэмвіч Мацюшкоў (кастрычнік — снежань 1943).
Гісторыя правіць
Партызаны праводзілі дыверсіі на чыгунцы Гомель — Жлобін. У ліпені — жніўні 1943 года пусцілі пад адхон 27 эшалонаў, знішчылі 47 аўтамашын, 12 мастоў, захапілі 10 кулямётаў, 13 аўтаматаў і 180 вінтовак. У жніўні — верасні 1943 падарвалі больш за 1000 рэек.
Літаратура правіць
- Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.