10-я Журавіцкая партызанская брыгада
10-я Журавіцкая партызанская брыгада — партызанская брыгада, створаная ў сакавіку 1943 года на базе 256-га партызанскага атрада (арганізаваны ў снежні 1942 года). У жніўні 1943 года з брыгады вылучаны атрады для арганізацыі 1-й Буда-Кашалёўскай партызанскай брыгады. Дзейнічала на акупіраванай тэрыторыі Журавіцкага, Буда-Кашалёўскага, Кармянскага, Церахоўскага, Рагачоўскага, Жлобінскага, Чачэрскага раёнаў. Да 6 красавіка 1943 года брыгада ўваходзіла ў склад Клічаўскага аператыўнага цэнтра, потым — партызанскага злучэння Гомельскай вобласці. 28 верасня, 2 кастрычніка (асноўная частка), у снежні 1943 года, 24 лютага і 27 чэрвеня 1944 года (асобныя групы), брыгада (2811 партызан, 8 атрадаў) паатрадна злучылася з Чырвонай Арміяй.
| 10-я Журавіцкая партызанская брыгада | |
|---|---|
| Гады існавання | 1943—1944 |
| Краіна |
 СССР Беларуская ССР |
| Падпарадкаванне | Беларускі штаб партызанскага руху |
| Уваходзіць у | |
| Тып | партызаны |
| Функцыя | змаганне з акупантамі |
| Колькасць | 2811 партызан |
| Дыслакацыя | Журавіцкі, Буда-Кашалёўскі, Кармянскі, Церахоўскі, Рагачоўскі, Жлобінскі, Чачэрскі раёны |
| Войны |
Другая сусветная вайна Вялікая Айчынная вайна |
| Удзел у | |
| Камандзіры | |
| Вядомыя камандзіры | |
Склад
правіць- 256-ы партызанскі атрад імя Сталіна;
- 260-ы партызанскі атрад імя Калініна;
- 261-ы партызанскі атрад імя Чапаева;
- 264-ы партызанскі атрад імя Суворава;
- 265-ы партызанскі атрад імя Варашылава;
- 266-ы партызанскі атрад імя Фрунзе;
- 267-ы партызанскі атрад «За Радзіму»;
- 268-ы партызанскі атрад імя 25-годдзя камсамола.
Камандаванне
правіцьКамандзіры
правіць- Сцяпан Мітрафанавіч Бялых (сакавік — красавік 1943, загінуў);
- Іван Міхайлавіч Гаўрылаў (май — кастрычнік 1943).
Камісары
правіць- Ігнат Максімавіч Дзікан (март — верасень 1943);
- Карп Міхайлавіч Драчоў (верасень — кастрычнік 1943).
Начальнік штаба
правіць- Філіп Карпавіч Антонаў (май — кастрычнік 1943).
Гісторыя
правіцьПартызаны наносілі ўдары на чыгуначным участку Гомель — Жлобін. У чэрвені — жніўні 1943 года правялі больш за 50 дыверсій па падрыву нямецкіх эшалонаў. У аперацыі «рэйкавая вайна» на ўчастку Салтанаўка — Шарыбаўка падарвалі каля 2 000 рэек. Разграмілі 11 нямецкіх апорных пунктаў, знішчылі 95 аўтамашын, 3 склады. Захапілі 27 кулямётаў, 239 вінтовак і інш. У лютым і красавіку 1943 года вялі баі з карнікамі. У кастрыніку 1943 года каля вёскі Лазоўшчына Кармянскага раёна выбілі немцаў з умацаваных пазіцый і злучыліся з Чырвонай Арміяй.
Памяць
правіць- Помнік каля вёскі Лозаў Буда-Кашалёўскага раёна (1964 год);
- Помнік каля вёскі Аляксандраўка Жлобінскага раёна (1975 год).
Літаратура
правіць- Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.