BMW E53
_%E2%80%93_Frontansicht,_12._Juni_2011,_D%C3%BCsseldorf.jpg)
| Тып(ы) кузавы: | 5‑дзв. красовер (5‑месн.) |
| Даўжыня: | 4667 мм |
| Шырыня: | 1872 мм |
| Вышыня: | 1715 мм |
| Колавая база: | 2820 мм |
| Каляіна пярэдняя: | 1576 мм |
| Каляіна задняя: | 1576 мм |
| Дызайнер: | Крыстафер Чэпман Крыс Бэнгл |
BMW X5 — сярэднепамерны красовер ад нямецкага аўтавытворцы BMW. Аўтамабіль быў прадстаўлены ў 1999 годзе на аўтасалоне ў Дэтройце. Літара «Х» азначае, што аўтамабіль мае поўны прывад, а лічба «5» — што базай паслужыла 5-я серыя (BMW E39), аднак X5 карацей E39, але пры гэтым вышэй і шырэй. Кузаў Е53 нагадвае BMW E46 Touring. Машына прыстасаваная для язды па ўсіх тыпах дарожнага пакрыцця, гэтым яна абавязана вялікаму клірансу і пастаяннаму прываду на ўсе колы.
BMW Х5 Е53 быў распрацаваны ў той час, калі BMW Group ўжо належаў брэнд Land Rover і таму ён мае шмат агульных кампанентаў і канструкцыю з Range Rover L322, у прыватнасці сістэму Hill Descent і Off Road, а таксама рухавік і электронныя сістэмы ад BMW E39. У адрозненне ад Range Rover, першы X5 быў распрацаваны ў якасці спартыўнага аўтамабіля, і яго пазадарожныя магчымасці значна менш, чым у Land Rover.
Машына выпускалася на заводзе ў горадзе Спартанберг, Паўднёвая Караліна (ЗША), як для амерыканскага, так і для еўрапейскага рынку. У ЗША продаж стартаваў у 1999 годзе, а ў Еўропе ў 2000. Разам са з’яўленнем малодшага брата (X3) у 2003 годзе быў абноўлены і X5. Машына атрымала новыя пярэднія фары і заднія ліхтары, рашотку радыятара і злёгку зменены капот і новыя рухавікі 4.4 л (valvetronic ад BMW E65) і дызельны 3,0 л 218 к. с.
У 2006 годзе вытворчасць машыны ў кузаве E53 была спынена ў сувязі з пастаноўкай на канвеер наступнага пакалення E70, якое паступіла ў продаж у ЗША зімой 2006/2007, а ў Еўропе вясной 2007 года.
Версія 4.6 is правіць
У 2001 годзе баварцы пабудавалі прататып BMW X5 Le Mans з 6-літровым маторам ад спорт-прататыпа BMW V12 LMR. У чэрвені таго ж года знакаміты гоншчык Ганс-Ёахім Штук усталяваў на гэтым аўтамабілі рэкорд хуткасці для гэтага класа машын, разагнаўшы X5 Le Mans да 311 км/г на Нюрбургрынгу. Неўзабаве пачалася вытворчасць красовера BMW X5 4.6is, створанага па матывах машыны-рэкардсмена.
Ад іншых версій BMW X5 4.6is адрозніваецца наяўнасцю спойлераў пад пярэднім і заднім бамперамі, заніжанай падвескай і коламі дыяметрам 20 цаляў (спераду — 275/40, ззаду — 315/35).
Рухавікі правіць
На рынак машына была выведзена з двума рухавікамі:
- Радны 6-цыліндравы аб'ёмам 3 літра і магутнасцю 231 к. с. (170 кВт) — BMW X5 3.0i.
- V8 M62TU аб'ёмам 4.4 літра і магутнасцю 286 к. с. (210 кВт) — BMW X5 4.4i.
У 2001 годзе да іх дадалі яшчэ два маторы:
- 3-літровы дызель M57 з сістэмай Common Rail магутнасцю 184 к. с. (135 кВт) — BMW X5 3.0d
- V8 аб'ёмам 4.6 літра і магутнасцю 347 к. с. (255 кВт) — BMW X5 4.6is.
У 2003 пры правядзенні фэйсліфцінга былі замененыя маторы V8 4.4i і дызельны 3.0d.
- Магутнасць абноўленага дызельнага рухавіка 218 к. с. (160 кВт) пры тым жа аб'ёме 3 літра.
- Бензінавы V8 N62 4.4 літра магутнасцю 320 к. с. (235 кВт).
У 2004 годзе матор 4.6is быў заменены на 4.8is магутнасцю 360 к. с. (265 кВт) — BMW X5 4.8is.
| Мадэль | Аб'ём (см3) | Тып |
Максімальная магутнасць кВт(к.с.) пры аб/хв. |
Круцільны момант (Нм пры аб/хв.) |
Максімальная хуткасць(км/г) |
Гады выпуску |
|---|---|---|---|---|---|---|
| Бензінавыя | ||||||
| 3.0 i | 2.979 | L6 | 170(231) пры 5.900 | 300 / 3500 | 202 | (2000-2006) |
| 4.4 i | 4.398 | V8 | 210(286) пры 5.400 | 440 / 3600 | 206 | (1999-2004) |
| 4.4 i | 4.398 | V8 | 235(320) пры 6.100 | 440 / 3600 | 240 | (2004-2006) |
| 4.6 is | 4.619 | V8 | 255(347) пры 5.700 | 480 / 3700 | 240 | (2002-2004) |
| 4.8 is | 4.799 | V8 | 265(360) пры 6.200 | 500 / 3500 | 246 | (2004-2006) |
| Дызельныя | ||||||
| 3.0 d | 2.926 | L6 | 135(184) пры 4.000 | 390 / 1750 | 200 | (2000-2003) |
| 3.0 d | 2.993 | L6 | 160(218) пры 4.000 | 420 / 2000 | 210 | (2003-2006) |
Каробка перадач правіць
На BMW Х5 Е53 усталёўвалася 5-ступеньчатая механічная, 5-ступеньчатая аўтаматычная, 6-ступеньчатая аўтаматычная і 6-ступеньчатая механічная каробка перадач.
Заўвагі правіць
Літаратура правіць
- Коллектив авторов. Руководство по ремонту и эксплуатации BMW Х5 (E53). Модели с 1999 по 2006 год выпуска. — Днепропетровск: Издательство Монолит, 2011. — 354 с. — (Золотая серия). — ISBN 978-617-537-054-4.