Baskin-Robbins
«Baskin-Robbins» — амерыканскі вытворца марожанага, заснаваны ў 1945 годзе ў Глендэйле (штат Каліфорнія). У 1967 годзе «Аб’яднаная фруктовая кампанія» (Бостан, штат Масачусетс) выкупіла прадпрыемства ў заснавальнікаў. У 1974 годзе англійскі вытворца харчавання «Джозеф Лаянз і кампанія» (Лондан) перакупіў прадпрыемства. 26 ліпеня 2005 года французскі вытворца напояў «Pernod Ricard» (Парыж) набыў «Baskin-Robbins» у складзе матчынага прадпрыемства «Dunkin’ Brands» (Кэнтан, шт. Масачусетс), якое 1 сакавіка 2006 года перапрадаў тром амерыканскім прадпрыемствам — «Бэйн-Капітал» (Бостан), «Карлайл-Груп» (Вашынгтон) і «Томас Лі» (Бостан). На 2016 год ад заснавання на прадпрыемстве стварылі больш за 1000 смакаў, з якіх 31 прапануецца штодня і мяняецца кожны дзень месяца. На 26 снежня 2015 года налічвалася 7607 кавярняў пад таварным знакам «Баскін-Робінс», з іх 2503 (32,9 %) у ЗША[1]. На 2016 год 5104 замежныя кавярні знаходзіліся ў 18 дзяржавах Азіі (Аб’яднаныя Арабскія Эміраты, Аман, Бахрэйн, В’етнам, Емен, Інданезія, Індыя, Катар, Кітай, Кувейт, Ліван, Малайзія, Паўднёвая Карэя, Саудаўская Аравія, Сінгапур, Тайвань, Тайланд, Японія), 7 дзяржавах Амерыкі (Гандурас, Дамініканская Рэспубліка, Калумбія, Канада, Мексіка, Панама, Эквадор), 5 дзяржавах Еўропы (Вялікабрытанія, Іспанія, Нідэрланды, Партугалія, Расія), Аўстраліі і Егіпце[2].
| Baskin-Robbins | |
|---|---|
 | |
 | |
| Тып | даччынае прадпрыемства |
| Заснаванне | 1945 |
| Заснавальнікі | Бtрт Баскін (1913—1967), Ірвін Робінз (1917—2008) |
| Размяшчэнне | Кэнтан (акруга Норфалк, штат Масачусетс, ЗША) |
| Ключавыя постаці | Найджэл Трэвіс |
| Галіна | грамадскае харчаванне |
| Прадукцыя | марожанае, пірог |
| Аўдытар | «КПМГ» (Бостан, шт. Масачусетс) |
| Дэвіз | 31 смак |
| Матчына кампанія | «Dunkin’ Brands» (Кэнтан) |
| Сайт | baskinrobbins.com |
Зноскі
- ↑ Найджэл Трэвіс (28 сакавіка 2016). "Справаздача «Dunkin' Brands» за 2015 год" (PDF) [англійская]. «Dunkin’ Brands». Праверана 4 чэрвеня 2016.
{{cite news}}: Шаблон цытавання мае пустыя невядомыя параметры:|trans_title=,|separator=,|month=, і|coauthors=(даведка)(недаступная спасылка) - ↑ "Міжнароднасьць" [англійская]. «Баскін-Робінс». 2016. Праверана 4 чэрвеня 2016.
{{cite news}}: Шаблон цытавання мае пустыя невядомыя параметры:|trans_title=,|separator=,|month=, і|coauthors=(даведка)
Спасылкі правіць
На Вікісховішчы ёсць медыяфайлы па тэме Baskin-Robbins- Афіцыйны сайт Baskin-Robbins (англ.)
