Батрахаспермум

Батрахаспе́рмум (Batrachospermum) — род чырвоных водарасцяў сямейства батрахаспермавых (Batrachospermaceae).

Батрахаспермум
Батрахаспермум ружанцападобны (Batrachospermum gelatinosum)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Чырвоныя водарасці Пададдзел:  Eurhodophytina Клас:  Florideophyceae Падклас:  Nemaliophycidae Парадак:  Batrachospermales Сямейства:  Батрахаспермавыя Род:  Батрахаспермум
Міжнародная навуковая назва
Batrachospermum Roth (1797)
Выявы на Вікісховішчы ITIS   11665 NCBI   2809 EOL   11778

Батанічнае апісанне

Шматклетачная ніткападобная аднадомная водарасць. Слаявіна мяккая, слізістая, даўжыня 2—10 см, цемнаватага жоўта- або аліўкава-шэрага колеру, часам укрытая слоем скурыстых клетак. Асноўныя галінкі густа ўсаджаны пучкамі кароткіх галінак, размешчаных кальчакамі. Палавое размнажэнне — аагамія.

Экалогія

Адрозніваецца каля 50 відаў. Пашыраны амаль па ўсім зямным шары. Растуць у багатай кіслародам прэснай вадзе, асобныя віды — на тарфяных балотах паблізу крыніц. На Беларусі — батрахаспермум ружанцападобны (Batrachospermum gelatinosum) адзначаны ў ручаях, рэчках і наваколлі возера Нарач.

Літаратура

• Батрахаспермум // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).