Ceratiomyxa fruticulosa

Ceratiomyxa fruticulosa — від слізевікоў сямейства Ceratiomyxaceae.

Ceratiomyxa fruticulosa
Навуковая класіфікацыя
прамежныя рангі Дамен:  Эўкарыёты Без рангу:  Пратысты Царства:  Прасцейшыя Тып:  Amoebozoa Падтып:  Слізевікі Клас:  Протастэліды (Protosteliomycetes) Парадак:  Protosteliales Сямейства:  Ceratiomyxaceae Род:  Ceratiomyxa Від:  Ceratiomyxa fruticulosa
Міжнародная навуковая назва
Ceratiomyxa fruticulosa
Сістэматыка на Віківідах Выявы на Вікісховішчы ITIS   181384 NCBI   435415 EOL   874024 MB   232106

Распаўсюджанне

Касмапалітычны від. Распаўсюджаны і ў тропіках, і ва ўмераным поясе, і ў Арктыцы. Трапляецца на тэрыторыі Украіны і Беларусі.

Апісанне

Спаракарпы вельмі дробныя, звычайна белыя, радзей жаўтлявыя, сіняватыя або празрыстыя. Яны маюць форму стрыжняў вышынёй каля 1-6 мм і таўшчынёй 0,3 мм, часам разгаліноўваюцца ля асновы на некалькі (да 5) тычынак. Спаракарпы звычайна ўтвараюць друзлыя або кампактныя групы, якія складаюцца з дзясяткаў і сотняў адзінарных стрыжняў. Яны маюць мяккую, губкавую тэкстуру. Споры растуць на вонкавай паверхні пладаносных цел. яны маюць памер 7-20×1,5-3 мкм. Споры бясколерныя або бледна-зеленаватыя і маюць крупчастую структуру ўнутры. Плазмодый вадзяністы, бела-жоўты.

Расце на паверхні лісцяных і іглічных дрэў, імхоў і да таго падобнага. Аднак яна не з’яўляецца паразітам і не пранікае глыбока ў арганізмы, на якіх жыве. Яе плазмодый павольна поўзае па паверхні субстрата, паглынаючы і пераварваючы арганічныя часціцы, бактэрыі і грыбкі, знойдзеныя на ім.