Гіенавыя

Гіенавыя (Hyaenidae) — сямейства млекакормячых атрада драпежных.

Гіенавыя
Паласатая гіена
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Драпежныя Падатрад:  Feloidea Сямейства:  Гіенавыя
Міжнародная навуковая назва
Hyaenidae Gray, 1821
Роды
Гіены плямістыя (Crocuta) Гіены паласатыя (Hyaena) Ваўкі земляныя (Proteles)
Сістэматыка на Віківідах Выявы на Вікісховішчы ITIS   621756 NCBI   9676 EOL   7672 FW   41020

Апісанне

Даўжыня цела 55—165 см, хваста 20—33 см, маса 10—80 кг. Поўсць жаўтавата-шэрая ці брудна-бурая з плямамі і папярочнымі палосамі. Пярэднія канечнасці даўжэйшыя за заднія; шыя тоўстая, галава масіўная, зубы і сківіцы моцныя. Анальныя залозы выдзяляюць сакрэт з рэзкім пахам.

Пашырэнне

Адрозніваюць 4 віды: паласатая гіена, бурая гіена, плямістая гіена, земляны воўк. Пашыраны ў Афрыцы, Пярэдняй, Сярэдняй і Паўднёва-Заходняй Азіі. Жывуць пераважна ў паўпустынях і пустынях.

Асаблівасці біялогіі

Нараджаюць 2—4 (зрэдку 6) дзіцянят.

Начныя драпежнікі, жывяцца пераважна мярцвячынай, нападаюць на дзікіх капытных, зрэдку на свойскую жывёлу.

Літаратура

• Гіенавыя // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).