Muscle & Fitness
«Muscle & Fitness» (чытаецца «Масл энд фітнэс», «Цягліцы і фітнес») — амерыканскі часопіс пра фітнес і бодыбілдынг, заснаваны вядомым дзеячам культурызму Джо Уайдэрам. Публікуецца кампаніяй American Media.
| «Цягліцы і фітнес» | |
|---|---|
| Арыгінальная назва |
«Muscle & Fitness» |
| Тып | часопіс |
| Заснавальнік | Joe Weider[d] |
| Уладальнік | a360media[d] |
| Выдавец | American Media |
| Краіна |
 ЗША |
| Рэдактар | Арнольд Шварцэнэгер |
| Галоўны рэдактар | Арнольд Шварцэнэгер (з мая 2013)[1][2] |
| Заснавана | 1935 |
| Тэматыка |
Фітнес Бодыбілдынг |
| Мова | Англійская |
| Перыядычнасць | Штомесячны часопіс |
| Галоўны офіс | |
| ISSN | 0744-5105 |
| Вэб-сайт | muscleandfitness.com |
Пра часопіс правіць
Часопіс «Muscle & Fitness» з'яўляецца партнёрам часопіса таго ж выдавецтва «Flex» (які галоўным чынам ахоплівае больш спецыялізаваныя «хардкорныя» і прафесійныя тэмы бодыбілдынгу), з'яўляючыся больш мэйнстрымным і карыстаючыся вялікім сярэднім попытам; сярэднямесячныя продажы выдання на тэрыторыі ЗША і Канады у другім паўгоддзі 2012 года, па дадзеных незалежнай ацэнкі Alliance for Audited Media, склалі больш 310 тысяч асобнікаў[3].
Часопіс «Muscle & Fitness» прапануе мноства практыкаванняў і парад па харчаванню, і ў той жа час рэкламуе розныя профільныя харчовыя дадаткі, у прыватнасці, такіх кампаній, як BSN (англ.: Bio-Engineered Supplements and Nutrition, Inc.). Апроч гэтага, выданне штомесяц друкуе матэрыялы як пра прафесійных бодыбілдэраў, у прыватнасці: Роні Коўлмэне, Густава Бадэля, Дэрым Чарльза, Сагі Калева, Джэя Катлера, так і пра акцёраў, натуральных культурыстаў, спартсменаў і спартыўных дзеячах, уключаючы Арнольда Шварцэнэгера, заснавальніка выдання Джо Уайдэра, Себасцьяна Сігела, 50 Cent, Эвандэра Холіфілда, Дуэйна Джонсана, Жан-Клода Ван Дама, Эмільяна дэ Фалько і іншых.
У дадатак да ўласна культурыстаў, у 2009—2010 гадах часопіс надаваў шмат увагі барцам і байцам ММА, размяшчаў артыкулы пра суперзорак WWE — Джона Сіна, былых суперзорак WWE — Стыва Осціна і Джона Морысана і байцоў UFC — Тода Дафі і Нейта Марквардта.
Апроч асноўнага выдання, існуе яго партнёрская версія «Muscle and Fitness Hers» («Цягліцы і фітнес для яе»), арыентаваны на жанчын (сярэднямесячныя продажы за вышэйпаказаны перыяд больш 86 тыс. асобнікаў[3]).
Гісторыя правіць
У 17 гадоў Джо Уайдэр выдаў першы нумар часопіса «Your Physique», у якім распавёў пра метады сваіх трэніровак і правільнае нарошчванне цягліцавай масы. Пасля часопіс быў пераназваны ў «Muscle Builder», а затым — у «Muscle & Fitness»[4].
Выдавецтва «Weider Publications», заснаванае Джо ў 1981 годзе, якое выпускала часопіс «Muscle & Fitness» і іншыя, было набыта ў канцы 1990-х гадоў кампаніяй «American Media», стаўшы яго даччыным падраздзяленнем.
З 1940 года Джо прапагандуе тэзу: «Фізкультурная рэвалюцыя адбудзецца не ў спартовых залах, а ў чалавечых розумах! Грамадства не захоча мірыцца з фізічнай непаўнавартаснасцю сваіх членаў. Паколькі відавочнай стане сувязь паміж слабымі цягліцамі, слабым характарам і слабым інтэлектам. Моцнае цела — гэта не эстэтычнае капрыз, а адзіны спосаб выдужаць у наш час глабальных стрэсаў: сацыяльных, інфармацыйных, экалагічных і псіхічных… „Хістаючы“ жалеза, вы робіце мацнейшымі не толькі цягліцы, але і характар. Вы прывучаеце сябе ставіць мэту і дасягаць яе, таму вы даможацеся поспеху ўсюды, чым бы не займаліся — бізнесам, творчасцю ці навукай!».
З часопісамі «Flex» і «Muscle & Fitness» на працягу дзесяцігоддзяў злучаны культурыст, акцёр і грамадскі дзеяч Арнольд Шварцэнэгер, які працаваў у іх у якасці мадэлі, калумніста, а пасля і рэдактара. Праца Шварцэнэгера ў часопісах перапынілася ў 2003 годзе ў сувязі з абраннем губернатарам штата Каліфорнія, аднак пасля сыходу ў адстаўку з дзяржаўнага паста ў 2011 годзе, напачатку сакавіка 2013 года ён абвясціў на спартыўным фэсце «Арнольд Класік» пра сваё вяртанне да прапагандавання культурызму і абавязкаў галоўнага рэдактара (executive editor) абодвух часопісаў[1][2].
Зноскі
- ↑ а б Шварцэнэгер вернецца да рэдактуры бодыбілдэрскіх часопісаў(недаступная спасылка). «Lenta.ru» (2 сакавіка 2013). Архівавана з першакрыніцы 5 ліпеня 2013. Праверана 14 мая 2013.
- ↑ а б Arnold Schwarzenegger Announces New Executive Editor Role for Flex Magazine (англ.)(недаступная спасылка). flexonline.com (5 сакавіка 2013). Архівавана з першакрыніцы 29 мая 2013. Праверана 14 мая 2013.
- ↑ а б eCirc for Consumer Magazines(недаступная спасылка). Audit Bureau of Circulations. Архівавана з першакрыніцы 24 ліпеня 2012. Праверана 16 мая 2013..
- ↑ Джо Уайдэр на сайце «Internet Movie Database» (англ.)