Nürnberg
Nürnberg — беларускамоўны пост-панк гурт. Заснаваны ў 2016 годзе ў Мінску.[1] Удзельнікамі з’яўляюцца Юрый Лугаўцоў (вакал, бас-гітара) і Алег Савуцін (гітара).
Nürnberg | |
---|---|
Жанры | пост-панк, колдвейв і сінці-поп |
Гады | 2016 — нашы дні |
Краіны | |
Адкуль | Мінск (Лошыца) |
Мовы песень | беларуская |
Склад | Юрый Лугаўцоў (вакал, бас-гітара), Алег Савуцін (гітара) |
Іншыя праекты |
фарфоровые коты (Сайд-праект Юрыя Лугаўцова) |
band.link/4Owbu (руск.) |
У звычайным жыцці Алег Савуцін працуе медыкам[2].
Гісторыя правіць
Удзельнікі гурта пазнаёміліся ў школе і ў асноўным выконвалі каверы. Аднак тэкст і музыка песні «Žorstka», былі напісаны яшчэ ў 2013 годзе, калі яны былі ў адзінаццатым класе. «Nürnberg» выступалі на фестывалях і канцэртах па ўсёй Беларусі, Польшчы, Расіі, Латвіі і Літве[3].
Першая дэма-версія была выпушчана ў жніўні 2017 года. У той час «Nürnberg» пачалі запісваць свой EP пад назвай «U nikudy», які быў выпушчаны 8 студзеня 2018 года[4], а 17 студзеня нямецкі лэйбл Squall Recordings выдаў рэліз і на касетах[5]. 5 лістапада 2018 года гурт выпусціў дэбютны альбом — «Skryvaj»[6]. 4 снежня альбом выйшаў на касетах: на нямецкім лэйбле Squall Records, а таксама амерыканскім Death Shadow Records. CD-дыскі былі выдадзеныя расійскім Sierpien Records[7].
Партал Tuzin FM назваў гурт Адкрыццём 2018 года[8].
20 красавіка 2020 года «Nürnberg» выпусцілі другі альбом, пад назвай «Paharda»[9]. Запіс, звядзенне і майстарынг альбома ажыццяўляў Раман Камагорцаў, гітарыст калектыву «Molchat Doma»[10]. 15 студзеня 2021 года Death Shadow Records выдалі альбом на вініле[11].
1 студзеня 2021 года, часопіс Eatmusic напісаў, што гэты пост-панк калектыў заслугоўвае ўвагі[10].
1 лютага 2023 «Nürnberg» выпусцілі свой EP у новым гучанні пад назвай «Ahida»[12].
Музычны стыль правіць
Удзельнікаў гурта натхняе шэрае наваколле і агульная стома. На думку Юрыя, яны не робяць чысты пост-панк і змешваюць яго з рознымі стылямі. Таксама, з яго слоў, на іх вельмі паўплывала нямецкая і польская новая хваля, савецкія гурты, у прыватнасці «Кино», брытанская «The Cure» і іншыя[13]. Добра выказваюцца пра гурты «Петля Пристрастия», «Молчат Дома» і «Skroź». У пачатку вельмі часта выконвалі каверы песень «Akute».
Гурт спрабаваў знайсці барабаншчыка, аднак удзельнікам не спадабалася такое гучанне, замест гэтага яны выкарыстоўваюць драм машыну[2].
У назвах сваіх песень і альбомаў «Nürnberg» выкарыстоўваюць беларускую лацінку. Вокладку першага альбома ўпрыгожвае фатаграфія Анры-Карцье, які з’яўляецца адным з самых вядомых і ўплывовых фатографаў XX стагоддзя. Вокладка альбома «Paharda» выканана ў стылі супрэматызма.
Назва правіць
Назва гурта паходзіць ад горада Нюрнберг і звязана з гісторыяй каранацыі Вітаўта, вялікага князя Літоўскага[2]. Прызначаная на 8 верасня 1430 цырымонія не адбылася, паколькі палякі не прапусцілі дэлегацыю, якая везла вырабленыя ў Нюрнбергу кароны Вітаўта і яго жонкі Ульяны. У кастрычніку ў Вільні, Ягайла прапаноўваў кампраміс, дапускаў каранацыю, з тым, каб пасля яго смерці карона караля літоўскага адыходзіла б да аднаго з сыноў Ягайлы. Апошнія лісты Вітаўта сведчаць аб тым, што ён згаджаўся на такое рашэнне. Аднак яго імкненне стаць каралём не ажыццявіліся: Вітаўт раптам памёр 27 кастрычніка 1430 г. у Троках.
Зноскі
- ↑ https://vk.com/nurnberg_band
- ↑ а б в https://www.youtube.com/watch?v=C1ecSkRvfwo
- ↑ https://www.last.fm/ru/music/Nürnberg/+wiki
- ↑ https://vk.com/nurnberg_band?w=wall-127560993_74
- ↑ https://vk.com/wall-127560993_85
- ↑ https://vk.com/nurnberg_band?w=wall-127560993_370
- ↑ https://vk.com/wall-127560993_476
- ↑ tuzinfm.by
- ↑ https://vk.com/nurnberg_band?w=wall-127560993_1567
- ↑ а б https://eatmusic.ru/intervyu-nurnberg/
- ↑ https://vk.com/wall-127560993_2196
- ↑ https://vk.com/wall-127560993_3193
- ↑ https://eatmusic.ru/intervyu-nurnberg/