Paradise Oskar
Paradise Oskar (сапраўднае імя спевака — Аксель Энстром, шведск.: Axel Ehnström, нар. 23 кастрычніка 1990, Кірканумі, Фінляндыя) — шведскамоўны спявак і аўтар песень, які нарадзіўся і жыве ў Фінляндыі. Удзельнік конкурсу песні Еўрабачанне 2011.
| Аксель Энстром | |
|---|---|
| шведск.: Axel Ehnström | |
 | |
| Асноўная інфармацыя | |
| Дата нараджэння | 23 кастрычніка 1990[1] (33 гады) |
| Месца нараджэння | |
| Краіна |
 Фінляндыя |
| Музычная дзейнасць | |
| Прафесіі | спявак, музыкант |
| Інструменты | гітара |
| Жанры | поп-музыка, соул, фолк |
| Псеўданімы | Paradise Oskar |
 Медыяфайлы на Вікісховішчы | |
Біяграфія
правіцьНарадзіўся 23 кастрычніка 1990 года ў Кірконумі — прыгарадзе Хельсінкі. Свой псеўданім Paradise Oskar (у прыкладным перакладзе — «Шчаслівы Оскар») спявак узяў з кнігі шведскай пісьменніцы Астрыд Ліндгрэн «Расмус-валацуга», у якой Paradise Oskar — валацуга, які грае на акардэоне.[3][4] З восені 2010 года Аксель Энстром вучыцца ў Кансерваторыі поп- і джазавай музыкі ў Хельсінкі.[5]
Еўрабачанне 2011
правіцьОскар прыняў удзел у другім паўфінале нацыянальнага адборачнага тура, дзе ён прайшоў у фінал разам з двума іншымі ўдзельнікамі. 12 лютага Оскар перамог у фінскім нацыянальным адборачным туры з песняй «Da Da Dam», атрымаўшы найбольшую колькасць SMS — 46,7 % галасоў. Такім чынам, ён атрымаў права прадстаўляць Фінляндыю на Конкурсе песні Еўрабачанне 2011 у Дзюсельдорфе (Германія) у маі 2011 года.[5]
10 мая ў першым паўфінале конкурсу песні «Еўрабачанне 2011», у якім бралі ўдзел 19 выканаўцаў, Оскар стаў адным з дзесяці пераможцаў і выйшаў у фінал конкурсу.[6] 14 мая ў фінале ён выступаў пад першым нумарам. У выніку галасавання набраў 57 балаў і заняў 21- е месца.[3] Пасля фіналу Оскар атрымаў прэмію ад журналістаў — «Крыштальнае Сэрца». На Еўрабачанні Оскар выступаў з гітарай вытворчасці гітарнай майстэрні «Ландола» з фінскага горада Піетарсаары, якая дасталася яму ў спадчыну ад бацькі.[7]
Зноскі
- ↑ Paradise Oskar // Česko-Slovenská filmová databáze — 2001.
- ↑ Last.fm — 2002.
- ↑ а б Финляндия на Евровидении 2011: информация на официальном сайте конкурса Евровидение. (англ.) (Праверана 15 мая 2011)
- ↑ За Финляндию на «Евровидении» в Дюссельдорфе выступит «горячий финский парень»
- ↑ а б Paradise Oskar Архівавана 2 снежня 2010. // Сайт телерадиокомпании Yleisradio Oy. — 12 февраля 2011. (фін.) (Праверана 11 мая 2011)
- ↑ Paradise Oscar вышел в финал «Евровидения» // Сайт телерадиокомпании Yleisradio Oy. Novosti po-russki. — 11 мая 2011. (Праверана 11 мая 2011)
- ↑ Гитара Paradise Oscar вызывает повышенный интерес // Сайт телерадиокомпании Yleisradio Oy. Novosti po-russki. — 13 мая 2011. (Праверана 13 мая 2011)
