Volkswagen Passat
Агульныя даныя
Вытворца: Сцяг ГерманііVolkswagen AG
Выпуск: 1973 —

Volkswagen Passat (бел.: Фольксваген Пасат) — аўтамабіль сярэдняга класа вытворчасці нямецкага канцэрна Фальксваген. У мадэльным шэрагу — з 1973 года.

Passat B1 (Typ 32)Правіць

Пасля набыцця Audi ў 1964 годзе і NSU ў 1969-м, Фальксваген прыцягнуў іх інжынераў да распрацоўкі новага пярэднепрываднага аўтамабіля з рухавіком з вадзяным ахалоджваннем. Новая мадэль прызначалася для замены састарэлых Фальксвагенаў Тыпу 3 і 4. Самы першы Passat, па сутнасці быў мадыфікацыяй Audi 80, выпушчанага ў 1972 годзе. Але пад маркай Audi выпускаліся класічныя седаны, а Passat B1 выпускаўся як 2- і 4-дзверны седан-фастбэк, 3- і 5-дзверны хэтчбек і ўніверсал. У астатнім Passat B1 паўтараў Audi 80 як стылістычна (дызайн абодвух аўтамабіляў быў распрацаваны італьянскім дызайнерам Джарджэта Джуджара), так і тэхнічна: абедзве маделі мелі пярэдні прывад, падоўжна размешчаныя рухавікі.

Вытворчасць Passat B1 пачалася на галоўным заводзе ў Вольфсбургу ў маі 1973 года, а ў студзені 1974 — універсалаў Passat Variant.

На аўтамабіль усталёўваліся радныя 4-цыліндравыя бензінавыя рухавікі аб'ёмам 1,3 л (40 кВт/54 к.с) і 1,5 л (55 кВт/74 к.с. або 63 кВт/84 к.с.) з надгалоўкавым размеркавальным валам і 4-ступеневай механічнай або 3-ступеневай аўтаматычнай каробкамі перадач. У жніўні 1975 года аб'ём рухавіка 1.5 літра павялічылі да 1.6 л, пры гэтым захаваўшы ранейшую магутнасць, але падвысіўшы крутоўны момант.

 
VW Passat B1, пасля рэстайлінгу 1977 г

У жніўні 1977 года быў праведзены рэстайлінг мадэлі. Была цалкам абноўлена пярэдняя частка машыны, заменены заднія ліхтары, сталёвыя бамперы былі змененыя на пластыкавыя, у салоне з'явілася іншая абіўка і руль меншага дыяметра. Адначасова пачалася вытворчасць на заводзе ў Эмдэне.

У ліпені 1978 стаў даступны Passat з 1,5-літровым дызельным рухавіком, а ў лютым 1979-га Volkswagen прадставіў Passat GLI, які меў рухавік з упырскам паліва.

Выпуск аўтамабіля (у Еўропе) быў згорнуты восенню 1980 года. Было выраблена 2,6 мільёнаў VW Passat першага пакалення.

У 1974 годзе выпуск таксама быў наладжаны ў Бразіліі. Адтуль пастаўляўся на экспарт у краіны Амерыкі, Блізкага Усходу. Аўтамабіль выпускалі да 1988 года.

ГалерэяПравіць

Passat B2Правіць

Passat B2, 5-дзв. хэтчбек, 1980–1985

Passat другога пакалення (Typ 32B) дэбютаваў у кастрычніку 1980 года з кузавамі трох- або пяцідзверны хэтчбек і 5-дзверны ўніверсал.

У жніўні 1983 года з'явілася мадыфікацыя ўніверсала з поўным прывадам Syncro.

У студзені 1985 года аўтамабіль зведаў рэстайлінг: з'явіліся іншыя, больш грувасткія бамперы і бакавыя молдынгі, змянілася рашотка радыятара, супрацьтуманавыя фары. Хэтчбекі атрымалі новыя заднія ліхтары.

У сакавіку 1987 года завяршылася вытворчасць мадыфікацый з пярэднім прывадам, выраб Syncro пряцягваўся да ліпеня[1].

SantanaПравіць

Volkswagen Santana

У верасні 1981 на Франкфурцкім аўтасалоне быў прадстаўлены седан, які атрымаў назву Santana, што паходзіць ад назвы вятроў Каліфорніі — Санта-Ана(англ.) бел.[2].

Акрамя задняй часткі, Passat і Santana, адрозніваліся дызайнам пераду. Passat меў супрацьтуманавыя ліхтары побач з фарамі, паказальнікі паваротаў месціліся ў бамперы. У Сантаны — паказальнікі павароту знаходзіліся на куце крыла побач з фарамі.

Пасля рэстайлінгу мадэльнага шэрагу ў 1985 годзе седан таксама стаў насіць на еўрапейскім рынку назву Passat. Аднолькавым з хэтчбекам і ўніверсалам стаў і выгляд пярэдняй часткі.

У Еўропе выраб быў завершаны ў 1988 годзе, але яшчэ працягваўся ў Японіі (да 1990 года), Бразіліі (да 2006) і Кітаі (да 2013).

Ford Versailes, Ford Royale, Ford GalaxyПравіць

З 1992 па 1996 год аўтамабіль выпускаўся ў Бразіліі на сумесным прадпрыемстве Ford і Volkswagen — "Autolatina". Ford Versailles быў даступны ў кузавах 2- і 4-дзверны седан і 3-дзверны ўніверсал пад назвай Ford Royale. Таксама выпускаўся ў Аргентыне як Ford Galaxy.

Passat B3 (Typ 35i)Правіць

Passat B4 (Typ 3A)Правіць

Passat B5Правіць

Passat B5

Passat пятага пакалення дэбютаваў у жніўні 1996 года (у кузаве седан), у 1997-м прадставілі ўніверсал (Variant) і паўнапрывадную мадыфікацыю 4Motion.

Аўтамабіль абсталёўваўся бензінавымі рухавікамі 1,6 (101 к.с.), 1,8 (125 і 150 к.с.) і 2,0 (120 к.с.), 2,3 VR5 (150 к.с.), 2,8 VR6 (193 к.с.) і дызельнымі 1,9 TDI (90, 101, 110, 116 к.с.) і 2,5 TDI (150 к.с.)[3].

Passat GPПравіць

Passat B5 GP

У 2000 годзе аўтамабіль зведаў рэстайлінг.

Абнавіўся і шэраг рухавікоў[3].

  • Бензінавыя: 1,6 (102 к.с.) і 1,8 (150 к.с.), 2,0 (116 і 131 к.с.), 2,3 VR5 (170 к.с.), 2,8 VR6 (193 к.с.).
  • Дызелі: 1,9 TDI (101 і 131 к.с.), 2,0 TDI (136 к.с.) і 2,5 TDI (150, 163 і 180 к.с.).

W8Правіць

 
Passat W8

У 2001 годзе з'явіўся Passat з рухавіком W8 аб'ёмам 4,0 л, які меў магутнасць 275 к.с. і 370 Н∙м круцільнага моманту. Прывад — поўны, каробкі перадач — 6-ступеньчатая механічная ці 5-ступеньчаты аўтамат[4]. Выпускаўся з кузавамі седан і ўніверсал.

Passat B6 (Typ 3C)Правіць

 
Volkswagen Passat B6
 
Volkswagen Passat B6

Быў прадстаўлены на Жэнеўскім аўтасалоне ў сакавіку 2005 года. У жніўні 2005 быў прадстаўлены ўніверсал Passat B6 Variant.

«Шосты» Passat пабудаваны на мадэрнізаванай платформе Golf V — канструктары вярнуліся да папярочнага размяшчэння рухавіка і пярэдняй падвесцы McPherson (па такой схеме былі пабудаваныя «трэці» і «чацвёрты» Пасаты) [5].

Лінейка рухавікоў была прадстаўлена дзевяццю мадэлямі. Шэсць бензінавых рухавікоў: 1.4 TSI (122 к.с.), 1.6 (102 к.с.), 1.8 TSI (152 і 160 к.с.), 2.0 FSI (150 к.с.), 2.0 TFSI (200 к.с.), 3.2 FSI V6 (250 к.с.) і тры дызеля: 1.9 TDI (105 к.с.) і два аб'ёмам 2.0 TDI (140 і 170 к.с.).

У ліпені 2010 года вытворчасць Passat B6 была спынена.

Passat CCПравіць

 
Volkswagen Passat CC

У 2008 Volkswagen годзе пашырыў мадэльны шэраг, прадставіўшы чатырохдзвернае купэ Passat CC.

У 2012 на Мотаршоу ў Лос-Анджэлесе была прадстаўлена рэстайлінгавая версія Passat CC. Абноўлены аўтамабіль атрымаў кароткае імя Volkswagen CC.

ГалерэяПравіць

Passat B7 (Typ 3C)Правіць

 
Volkswagen Passat B7
 
Volkswagen Passat B7

Passat B7 быў прадстаўлены на Парыжскім аўтасалоне восенню 2010 года[6].

Аўтамабіль пабудаваны на мадэрнізаванай платформе свайго папярэдніка. Увогуле канструкцыя шасі засталася без зменаў — сур'ёзная мадэрнізацыя закранула толькі дызайн кузава ды лінейку рухавікоў, ледзь абнавіўся інтэр'ер.

У Еўропе "сёмы" Passat прапанаваўся з дзесяццю рухавікамі: чатыры бензінавых, аб'ёмам 1,4, 1,8, 2,0 і 3,2 літра і магутнасцю 122, 160, 211 і 300 конскіх сіл адпаведна; рухавік які працуе на прыродным газе (1,4 магутнасцю 150 к.с.), рухавік, прыстасаваны пад выкарыстанне біяпаліва, а таксама чатыры турбадызеля. Базавы 1.6 развівае 105 сіл, а тры двухлітровых агрэгата даступныя ў версіях магутнасцю 140 або 170 конскіх сіл. Трансмісіі — альбо механічная, альбо шасці- і сяміступеністыя робаты DSG.

Passat MNSПравіць

Спецыяльна для рынку Паўночнай Амерыкі Volkswagen прадставіў VW Passat NMS (New Midsize Sedan — новы сярэднепамерны седан). Дэбют мадэлі адбыўся на Дэтройтскім аўтасалоне 2011 года[7]. Вытворчасць мадэлі разгорнута на заводзе Фальксваген у горадзе Чаттануга, штат Тэнэсі.

Аўтамабіль пабудаваны з выкарыстаннем архітэктуры еўрапейскага Passat B7. Аднак у параўнанні з ім даўжыня, шырыня і памер колавай базы амерыканскага аўтамабіля сталі больш.

Passat AlltrackПравіць

 
Volkswagen Passat Alltrack

У 2011 годзе на аўтасалоне ў Токіа канцэрн Volkswagen прадставіў універсал павышанай праходнасці Passat Alltrack[8].

У параўнанні з VW Passat Variant мае павялічаны на 30 мм дарожны прасвет — 165 мм. Паўнапрывадная трансмісія і электроніка аналагічныя VW Tiguan. У звычайным рэжыме 90% моманту падаецца на пярэднюю вось, а задняя падключаецца электронікай праз шматдыскавую муфту Haldex.


ГалерэяПравіць

Passat B8Правіць

Volkswagen Passat B8

Прэм'ера Passat восьмага пакалення адбылася ў кастрычніку 2014 года на Парыжскім аўтасалоне.

У аснове аўтамабіля знаходзіцца падоўжаная версія модульнай платформы MQB — MQB-B[9][10].

 
Passat Variant B8

Пераход на платформу MQB дазволіў зменьшыць масу на 85 кг, а таксама павялічыць колавую базу да 2791 мм (на 80 мм). Passat стаў на 14 мм ніжэй (1456 мм) і на 12 мм шырэй (1832 мм), пры гэтым агульная даўжыня машыны паменшылася на 2 мм — да 4767 мм.

Рухавікі — чатырохцыліндравыя, з турбанаддзіманнем і прамым упырскам паліва. Бензінавы шэраг рухавікоў складаецца з 1,4-літровага агрэгата магутнасцю 125 і 150 конскіх сіл, 1,8-літровага (180 к.с.), а таксама 2.0 (у варыянтах 220 і 280 к.с.). Прычым на 150-моцны 1,4-літровы матор усталёўваюць актыўную сістэму адключэння цыліндраў, што зніжае сярэдні расход паліва. Дызелі — 1,6-літровы (120 к.с.) і тры двухлітровыя магутнасцю 150, 190 і 240 конскіх сіл. Трансмісіі — шасціступеньчатая механічная або семідыяпазонавы «робат» з двума счапленнямі.

Passat GTEПравіць

 
Passat GTE
 
Passat Variant GTE

Упершыню ў сямействе з'явілася гібрыдная мадыфікацыя з магчымасцю падзарадкі батарэй ад бытавой электрасеткі (plug-in hybrid) — Volkswagen Passat GTE.

Аўтамабль атрымаў сілавы агрэгат, які складаецца з 156-моцнага бензінавы турбарухавіка аб'ёмам 1.4 л, электрарухавіка магутнасцю 114 к.с., камплекта літый-іённых батарэй ёмістасцю 9,9 кілават-гадзін і шасціступеньчатай «рабатызаванай» скрынкі перадач з двума счапленнямі. Агульная магутнасць агрэгата склала 218 к.с. Запас ходу на электрацязе — да 50 кіламетраў[11].

Акрамя сілавой устаноўкі GTE адрозніваецца ад звычайнага «Пасата» радыятарнымі кратамі з сінімі ўстаўкамі, перайначаным пярэднім бамперам і святлодыёднымі дзённымі хадавымі агнямі, інтэграванымі ў фары галаўнога святла. У салоне — іншае рулявое кола, абцягнутае скурай, іншы селектар скрынкі перадач, а таксама ўстаўкі з чорнага пластыка і алюмінія. Мультымедыйным комплекс з 6,5-цалевым сэнсарным дысплеем выводзіць ўсе дадзеныя, якія датычацца працы агрэгатаў і эканамічнасці язды.

Зноскі

  1. VW Passat Variant. Powiew solidności i praktyczności // klasyki.auto-swiat.pl (польск.) 
  2. Ich lieb dich nicht, du liebst mich nicht // AutoBild Klassik. autobild.de (ням.) 
  3. 3,0 3,1 Spełnienie marzeń - Volkswagen Passat B5 (1996-2005) // autocentrum.pl (польск.) 
  4. Парень из высшего общества // За рулём : часопіс. — 2001. — № 10. — С. 22-24.(руск.) 
  5. Против ветра // Авторевю : часопіс. — 2005. — № 7.
  6. http://motor.ru/news/2010/09/30/passat/ Новы Volkswagen Passat можна будзе адкрываць нагой // motor.ru (руск.) 
  7. http://motor.ru/news/2011/01/10/passat/ VW рассакрэціў новы седан для Амерыкі // motor.ru (руск.) 
  8. http://www.autoreview.ru/news/184/118751/ Яшчэ Variant — Alltrack // www.autoreview.ru (руск.) 
  9. http://motor.ru/news/2014/07/04/newpassat/ Volkswagen прадставіў Passat новага пакалення // motor.ru (руск.) 
  10. http://www.zr.ru/content/news/669402-novyj-vw-passat-predstavlen-oficialno/ Новы VW Passat прадстаўлены афіцыйна // За рулём
  11. http://motor.ru/news/2014/09/29/passatgte/ Новы Volkswagen Passat стаў гібрыдам // motor.ru (руск.) 

ЛітаратураПравіць

СпасылкіПравіць


Аўтамабілі Volkswagen для еўрапейскага рынку
Тып 1940er 1950er 1960er 1970er 1980er 1990er 2000er 2010er
5 6 7 8 9 0 1 2 3 4 5 6 7 8 9 0 1 2 3 4 5 6 7 8 9 0 1 2 3 4 5 6 7 8 9 0 1 2 3 4 5 6 7 8 9 0 1 2 3 4 5 6 7 8 9 0 1 2 3 4 5 6 7 8 9 0 1 2 3
A-клас Lupo Fox up!
B-клас Polo I Polo II Polo III Polo IV Polo V
Derby I Derby II
C-клас Typ 1 „Brezelkäfer“ Typ 1 „Ovali“ Typ 1 „Rechteckkäfer“ 1200/1300/1500 „Käfer“ 1302 „Käfer“ 1303 „Käfer“ 1200 „Käfer“ New Beetle Beetle
C-клас Golf I Golf II Golf III Golf IV Golf V Golf VI Golf VII
Jetta I Jetta II Vento Bora Jetta V Jetta VI
D-клас 1500/1600 (Typ 3) Passat B1 Passat B2 Passat B3 Passat B4 Passat B5 Passat B6 Passat B7
411/412 (Typ 4) Santana
K 70 CC
F-клас Phaeton
Купэ / Кабрыялеты Karmann-Ghia Typ 14 Scirocco I Scirocco II Scirocco III
Karmann-Ghia Typ 34 VW Porsche (914/4) Corrado Eos
Капактвэны Golf Plus
Touran
Мінівэны / Мікрааўтобусы Sharan I Sharan II
Typ 2
(T1)
Transporter
(T2)
Transporter
(T3)
Caravelle/Multivan
(T4)
Caravelle/Multivan
(T5)
Фургоны Typ 147
„Fridolin“
Caddy I Caddy II Caddy III
Пазадарожнікі Typ 181
„Kurierwagen“
Typ 183
„Iltis“
Golf Country Tiguan
Touareg I Touareg II
Пікапы Taro Amarok