Ігар Іосіфавіч Надашкевіч

Ігар Іосіфавіч Надашке́віч (нар. 24 лістапада 1956, пас. Калодзішчы, Мінскі раён) — беларускі жывапісец.

Ігар Іосіфавіч Надашкевіч
Дата нараджэння	24 лістапада 1956(1956-11-24) (68 гадоў)
Месца нараджэння	Калодзішчы, Калодзішчанскі сельсавет, Мінскі раён, Мінская вобласць, БССР, СССР
Род дзейнасці	мастак
Месца працы	Мінскі мастацкі камбінат
Вучоба	Беларускі дзяржаўны тэатральна-мастацкі інстытут (1987)
Член у	Беларускі саюз мастакоў

Біяграфія

Скончыў Беларускі тэатральна-мастацкі інстытут у 1987 годзе. З 1987 года працуе на Мастацкім камбінаце ў Мінску.

Член Беларускага саюза мастакоў з 1989 года.

Творчасць

У творчасці прытрымліваецца сюжэтнай лініі рэалістычнага выканання ў спалучэнні з яркім, адкрыта фавістычным каляровым вырашэннем. Аўтар серый «Архаіка» (1995—2000), «Бацькоўскі дом» (1998—2000), «Памяці М. Раманюка», «Эгейскія скарбы» (абедзве 1998), «Дульсінея», «Жэмчуг лета» (абедзве 1999).

Літаратура

• Надашкевіч Ігар Іосіфавіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).