Ігар Яўгенавіч Крывіцкі

Ігар Яўгенавіч Крывіцкі (1 сакавіка 1929, с. Гарадзішча, Магілёўская вобласць) — беларускі архітэктар.

Ігар Яўгенавіч Крывіцкі
Дата нараджэння	1 сакавіка 1929(1929-03-01) (95 гадоў)
Месца нараджэння	Магілёўская вобласць, БССР, СССР
Альма-матар	Мінскі будаўнічы тэхнікум (1951) БПІ (1959)
Месца працы	Ваенпраект[d] Белпрампраект Адміністрацыя Заводскага раёна г. Мінска БелНДІдзіпрасельбуд Белдзіпрагандаль
Партыя	КПСС
Член у	Саюз архітэктараў СССР Беларускі саюз архітэктараў
Узнагароды

Біяграфія

Скончыў у 1951 годзе Мінскі архітэктурна-будаўнічы тэхнікум, у 1959 годзе Беларускі політэхнічны інстытут. Працаваў у Ваенпраекце, Белпрампраекце, з 1959 года — архітэктар Заводскага раёна Мінска, з 1970 года — намеснік старшыні Заводскага райсавета народных дэпутатаў, з 1973 года — намеснік галоўнага інжынера ў БелНДІдзіпрасельбудзе, з 1980 г. — дырэктар Белдзіпрагандлю.

Член Саюза архітэктараў СССР з 1964 года. Член КПСС з 1967 года. Пражывае ў г. Мінск.

Творчасць

Асноўныя працы: адміністрацыйны будынак у Віцебску (1953), жылы дом на плошчы Я. Коласа (1957, з С. Б. Баткоўскім, Н. Э. Шпігельманам), ПДП прамысловых раёнаў Дражня, Паўднёвы, па вул. Маладзёжнай, на поўдзень ад аўтазавода (1965—1970) у Мінску.

Узнагароды

Узнагароджаны сярэбраным медалём ВДНГ СССР (1979) за арганізацыю праектавання і аўтарскага нагляду будаўніцтва жылога пасёлка жывёлагадоўчага комплексу «Мір» Брэсцкай вобласці.

Літаратура

• Кривицкий Игорь Евгеньевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)