Ілья Яўгенавіч Дзятлаў

Ілья Яўгенавіч Дзятлаў (24 мая 1950, Масква) — беларускі архітэктар.

Ілья Яўгенавіч Дзятлаў
Дата нараджэння	24 мая 1950(1950-05-24) (74 гады)
Месца нараджэння	Масква, РСФСР, СССР
Грамадзянства	СССР  Беларусь
Бацька	Яўген Канстанцінавіч Дзятлаў
Альма-матар	БПІ (1972)
Месца працы	БелНДІдзіпрасельбуд Мінскпраект
Член у	Саюз архітэктараў СССР Беларускі саюз архітэктараў

Біяграфія

Сын архітэктара Яўгена Дзятлава, нарадзіўся ў час навучання бацькоў у Маскве.

Скончыў Беларускі політэхнічны інстытут у 1972 годзе. Працаваў у БелНДІдзіпрасельбудзе, з 1973 года — архітэктар, кіраўнік групы архітэктараў у Мінскпраекце.

Член Саюза архітэктараў СССР з 1977 года. Пражывае ў Мінску.

Творчасць

Помнік у гонар заснавання горада

Помнікі на магіле Марата Казея

Асноўныя працы (у аўтарскім калектыве): добраўпарадкаванне бульвара па праспекце Машэрава і водна-зялёнай зоны ўздоўж ракі Свіслач (1974), помнік студэнтам і выкладчыкам БПІ, які загінулі ў гады Вялікай Айчыннай вайны (1975), рэканструкцыя Траецкага прадмесця (1980) у Мінску, манумент у гонар першабудаўнікоў Салігорска (1978), рэканструкцыя гістарычнай зоны цэнтра Мінска (1986), манумент піянерскай славы і памятныя знакі каля месца пахавання піянера-героя М. Казея ў вёсцы Станькава (1986).

Узнагароды

Узнагароджаны медалём і дыпломам Саюза архітэктараў СССР на аглядзе-конкурсе за лепшы праект года (1986, у аўтарскім калектыве), 1-я прэмія на рэспубліканскім конкурсе за праект помніка партызанскай славы Беларусі (1975).

Літаратура

• Дятлов Илья Евгеньевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)