Ігар Уладзіміравіч Забара
Ігар Уладзіміравіч Заба́ра (9 ліпеня 1962, г. Палтава, Украіна) — беларускі акцёр, рэжысёр.
| Ігар Уладзіміравіч Забара | |
|---|---|
| Дата нараджэння | 9 ліпеня 1962 (62 гады) |
| Месца нараджэння | |
| Адукацыя | |
| Прафесія | акцёр, рэжысёр |
| Тэатр | |
| Узнагароды | |
Біяграфія
правіцьСкончыў у 1987 годзе Дзяржаўны інстытут тэатральнага мастацтва ў Маскве. Працаваў у драматычнага тэатрах Расіі. 3 1990 года акцёр Альтэрнатыўнага тэатра-студыі пад кіраўніцтвам В. Грыгалюніса ў Мінску, з 1996 года мастацкі кіраўнік Мінскага Малога тэатра.
Творчасць
правіцьСярод тэатральных роляў: Малчалін («Гора ад розуму» А. Грыбаедава), Чорт («Камедыя» У. Рудава паводле К. Марашэўскага і Ф. Аляхновіча), Серж («Арт» Я. Рэзы) і інш. Здымаецца ў кіно («Птушкі без гнёздаў», «Забіць прытворшчыка», «Трамвай у Парыж», «Шляхціц Завальня, або Беларусь у фантастычных апавяданнях» і інш.). Рэжысёр кінафільмаў «Гаварыце гучней — за вамі назіраюць» (2004), «Дзяўчына маёй мары» (2005), «Суседзі» (2010) і інш.
Узнагароды
правіцьУзнагароджаны тэатральнай прэміяй імя І. Буйніцкага (1996)[1].
Зноскі
- ↑ Г. А. Забела. Прэміі тэатральныя // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.
Літаратура
правіць- Д. М. Гіргель. Забара Ігар Уладзіміравіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.