Ірына Мікалаеўна Савельева

Ірына Мікалаеўна Савельева (3 кастрычніка 1931, Санкт-Пецярбург — 19 жніўня 2020) — беларуская артыстка балета, педагог. Заслужаны артыст Таджыкскай ССР (1957), Народны артыст Беларускай ССР (1964).

Ірына Мікалаеўна Савельева
Дата нараджэння	3 кастрычніка 1931(1931-10-03)
Месца нараджэння	Ленінград, РСФСР, СССР
Дата смерці	19 жніўня 2020(2020-08-19) (88 гадоў)
Грамадзянства	Беларусь
Адукацыя	Ленінградскае харэаграфічнае вучылішча імя А. Я. Ваганавай (1951)
Прафесія	балерына, тэатральны педагог
Тэатр	Туркменскі тэатр оперы і балета[d] Чалябінскі дзяржаўны акадэмічны тэатр оперы і балета імя М. І. Глінкі[d] Самарскі акадэмічны тэатр оперы і балета[d] Дзяржаўны акадэмічны Вялікі тэатр оперы і балета БССР Беларуская дзяржаўная харэаграфічная гімназія-каледж
Узнагароды	Заслужаны артыст Таджыкскай ССР[d] (1957)

Біяграфія

Скончыла ў 1951 годзе Ленінградскае харэаграфічнае вучылішча. 3 1951 года працавала ў Туркменскім, Чалябінскім, Куйбышаўскім тэатрах оперы і балета. У 1959—1972 гадах адна з вядучых танцоўшчыц Дзяржаўнага тэатра оперы і балета Беларусі. Адначасова з 1962 года (з перапынкамі) педагог Беларускага харэаграфічнага вучылішча, у 1971—1977 гадах — мастацкі кіраўнік.

Член Беларускага саюза тэатральных дзеячаў з 1951 года.

Творчасць

Яе мастацтва вызначалі светлы, аптымістычны настрой, сталая тэхніка, артыстызм. Сярод партый: Марыя («Мара» Я. Глебава), Анежка («Святло і цені» Г. Вагнера), Адэта — Адылія, Аўрора («Лебядзінае возера», «Спячая прыгажуня» П. Чайкоўскага), Кітры, Гамзаці («Дон Кіхот», «Баядэрка» Л. Мінкуса), Царэўна («Казка пра мёртвую царэўну» У. Дзешавова на тэмы А. Лядава), Джульета («Рамэа і Джульета» С. Пракоф’ева), Фрыгія («Спартак» А. Хачатурана). Сярод вучаніц Л. Бржазоўская, Н. Паўлава.

Літаратура

• Ю. М. Чурко. Савельева Ірына Мікалаеўна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).
• Ірына Мікалаеўна Савельева // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.

Спасылкі

• Ірына Мікалаеўна Савельева на сайце анлайн-энцыклапедыі «Беларусь у асобах і падзеях»