Хатляны

Хатляны
Краіна	Беларусь
Вобласць	Мінская
Раён	Уздзенскі
Сельсавет	Хатлянскі
Каардынаты	53°24′35″ пн. ш. 27°33′46″ у. д.HGЯO
Насельніцтва	1 053 чал.;
Часавы пояс	UTC+3
Тэлефонны код	+375 1718
Паштовыя індэксы	223414
Аўтамабільны код	5
	Хатляны на Вікісховішчы

Хатля́ны^[1] (трансліт.: Chatliany, руск.: Хотляны) — аграгарадок ва Уздзенскім раёне Мінскай вобласці. Адміністрацыйны цэнтр Хатлянскага сельсавета. Насельніцтва 1166 чал. (2000).

Гісторыя правіць

Карта ваколіц Шацка 1927 года.

Упершыню Хатляны згадваюцца ў XVI ст., калі яны ўваходзілі ў склад Менскага павета. У розныя часы мясцовасць знаходзілася ва ўладанні Галоўчынскіх, Быхаўцаў, Завішаў, Заранкаў-Грабоўскіх. 3 XVII ст. паселішча значыцца як мястэчка. Паводле юрыдычных актаў 1663 тут існавала карчма.

У выніку другога падзелу Рэчы Паспалітай (1793) Хатляны апынуліся ў складзе Расійскай імперыі, у Шацкай воласці Ігуменскага павета Мінскай губерні. Статус паселішча панізілі да сяла. Станам на 1886 тут было 58 двароў, царква. Паводле вынікаў перапісу (1897) — 145 двароў, царква, хлебазапасны магазін, карчма. На 1909 — 168 двароў. Насельніцтва займалася сельскай гаспадаркай, дрэваапрацоўчымі, перавознымі, сплаўнымі промысламі.

У 1919 Хатляны ўвайшлі ў БССР, дзе 20 жніўня 1924 сталі цэнтрам сельсавета Узденскага раёна. У 1933 тут існавалі стальмашня і кузня, 2 ветраныя млыны. Станам на 1 студзеня 2000 у вёсцы было 374 двары.

Насельніцтва правіць

XIX стагоддзе: 1886 — 585 чал.; 1897 — чал.
XX стагоддзе: 1909 — 1150 чал.; 1 студзеня 2000 — 1166 чал.^[2]

Інфраструктура правіць

У Хатлянах працуюць сярэдняя школа, дашкольная ўстанова, амбулаторыя, дом культуры, бібліятэка, пошта.

Эканоміка правіць

Рамонтна-механічныя майстэрні, млын, лесапільня, філіял раённага камбіната бытавога абслугоўвання.

Турыстычная інфармацыя правіць

Дзейнічае Хатлянскі краязнаўчы музей.

Славутасці правіць

Археалагічны помнік — курганны могільнік (мае 7 насыпаў).

Страчаная спадчына правіць

‎Свята-Пакроўская царква ў Хатлянах

Царква Покрыва Прасвятой Багародзіцы (1898, згарэла ў студзені 2013 года^[3])

Вядомыя асобы правіць

Аляксандр Сямёнавіч Махнач (1918—2006) — беларускі геолаг.
Іван Мікалаевіч Салавей (1916—1987) — вучоны ў галіне глебазнаўства^[4].

Зноскі

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
↑ Памяць. Уздзенскі раён 2003.
↑ У Мінскай вобласці згарэла на Каляды драўляная царква
↑ Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.

Літаратура правіць

Памяць: Гіст.-дакум. хроніка Уздзенскага р-на. — Мн.: БЕЛТА, 2003. — 654 c.: іл. — ISBN 985-6302-50-1.
Chotlany // Słownik geograficzny Królestwa Polskiego i innych krajów słowiańskich. Tom I: Aa — Dereneczna (польск.). — Warszawa, 1880. — S. 638.

Спасылкі правіць

На Вікісховішчы ёсць медыяфайлы па тэме Хатляны

[1] Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)

[FOOTNOTEПамяць._Уздзенскі_раён2003-2] Памяць. Уздзенскі раён 2003.

[3] У Мінскай вобласці згарэла на Каляды драўляная царква

[ЭПБ4-4] Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.

[1]

[2]

[3]

[4]