Сялец (Бярозаўскі раён): Розніца паміж версіямі
(Няма розніцы)
|
Версія ад 22:43, 12 лістапада 2012
Сяле́ц[1] — вёска ў Беларусі, на рацэ Башта пры яе сутоцы ў Ясельдай. Цэнтр Сялецкага сельсавета Бярозаўскага раёна Брэсцкай вобласці. Знаходзіцца за 6 км ад Бярозы.
Гісторыя
Першы пісьмовы ўспамін пра Сялец датуецца 1397. З 1471 тут дзейнічаў касцёл. Згодна з адміністрацыйна-тэрытарыяльнай рэформай (1565—1566) мястэчка ўвайшло ў склад Берасцейскага павету Берасцейскага ваяводства.
У выніку трэцяга падзелу Рэчы Паспалітай (1795) Сялец апынуўся ў складзе Расійскай імперыі, у Пружанскім павеце. Станам на 1878 у мястэчку існавалі валасная ўправа, царква, каталіцкая капліца, яўрэйскі малітоўны дом, школа, лякарня.
Згодна з Рыжскім мірным дагаворам (1921) Сялец апынуўся ў складзе міжваеннай Польскай Рэспублікі, дзе зрабіўся цэнтрам гміны Пружанскага павета Палескага ваяводства.
У 1939 Сялец увайшоў у склад БССР, дзе 12 кастрычніка 1940 зрабіўся цэнтрам сельсавету. Статус паселішча панізілі да вёскі.
Насельніцтва
- XIX стагоддзе: 1830 — 468 муж., з іх шляхты 2, духоўнага стану 2, мяшчанаў-іудзеяў 176, мяшчанаў-хрысціян і сялян 286, жабракоў 2[2]; 1878 — 2306 чал. (1126 муж. і 1180 жан.), у тым ліку 932 юдэі[3]
- XX стагоддзе: 1921 — 997 чал.[4]
Турыстычная інфармацыя
Памятныя мясціны
- Касьцёл Святога Аляксея (1912)
- Царква Успення Прасвятой Багародзіцы (1865—1870)
- Могілкі старыя каталіцкія. Капліца Святога Лаўрэнція
Страчаная спадчына
- Царква уніяцкая
Вядомыя асобы
- Алесь Разанаў (нар. 5 снежня 1947 г.) — паэт, лаўрэат Купалаўскай прэміі (1990).
Цікавыя факты
- З мястэчка Сялец паходзяць продкі Уладзіміра Высоцкага[5]
Крыніцы
Зноскі
- ↑ Госкартгеоцентр
- ↑ Шаблон:Літаратура/Мястэчкі Беларусі (2010) С. 414.
- ↑ Sielec (22) // Słownik geograficzny Królestwa Polskiego i innych krajów słowiańskich. Tom IV: Kęs — Kutno (польск.). — Warszawa, 1883. S. 529.
- ↑ Skorowidz miejscowości Rzeczypospolitej Polskiej. Tom VIII: Województwo Poleskie. — Warszawa: Główny Urząd Statystyczny Rzeczypospolitej Polskiej, 1924.
- ↑ Мікалай Пейган. Сялецкія карані Уладзіміра Высоцкага // «Маяк», 30 снежня 2009.
Літаратура
- Шаблон:Літаратура/Мястэчкі Беларусі (2010)
- М. Пейган. Аспекты рэлігійнага жыцця сяла Сялец // «Гiстарычная брама» № 1 (5), 1998.
- М. Пейган. Што ў імені тваім... // «Маяк» № 45, 1997.
- М. Пейган. Хто нас вучыў, хто нас лячыў... // «Маяк» № 62, 1997.
- Sielec (22) // Słownik geograficzny Królestwa Polskiego i innych krajów słowiańskich. Tom IV: Kęs — Kutno (польск.). — Warszawa, 1883. S. 529.
Вонкавыя спасылкі
На Вікісховішчы ёсць медыяфайлы па тэме Сялец (Бярозаўскі раён)
