Аршанскі маладняк
«Аршанскі маладняк» — літаратурна-мастацкі часопіс, які ў 1925—1928 гадах выдавала Аршанская філія «Маладняка». Выйшла 7 нумароў.
| «Аршанскі маладняк» | |
|---|---|
| Тып | часопіс |
| Мова | беларуская |
| Тыраж | |
У 1926 большая частка рэдакцыі часопіса, апынулася ў Горках, дзе была заснавана Горацкая студыя Аршанскай філіі «Маладняка». Такім чынам з трэцяга нумара часопіс пачаў друкаваўся ў Горках.
Змяшчаў вершы, лірычныя абразкі і апавяданні А. Вечара, М. Ганчарыка (вершы падпісваў псеўд. Я. Сявец), Ю. Гаўрука, B. Каваля, Т. Кляшторнага, М. Нікановіча, В. Сташэўскага, У. Прыбыткоўскага, Алеся Дземідовіча і іншых маладых пісьменнікаў, хроніку літаратурнага жыцця Аршанскай акругі і маладнякоўскіх арганізацый рэспублікі.
Такую ж назву насіла пісьменніцкая арганізацыя, што ўваходзіла на правах філіі ў Усебеларускае аб'яднанне паэтаў і пісьменнікаў «Маладняк» рэспублікі. У дзейнасці арганізацыі прымаў удзел Максім Гарэцкі, які не з'яўляўся сябрам "Маладняка".
Літаратура правіць
- Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 541.
- Ліўшыц, Уладзімір. Горацкая студыя «Аршанскага Маладняка» (1926—1928). Кароткі нарыс аб гісторыі стварэння і дзейнасці. — Горкі, 2013. — 94 с., іл.