Вікіпедыя

Карпаратыўная калекцыя Белгазпрамбанка

Карпаратыўная калекцыя Белгазпромбанка — збор твораў мастацтва Белгазпрамбанка, які налічвае больш за 100 артэфактаў[1]. Ядро калекцыі складаюць творы мастакоў Парыжскай школы — ураджэнцаў Беларусі[2][3]. Калекцыя фарміруецца ў рамках рэалізацыі нацыянальнага гісторыка-культурнага праекта «Арт-Беларусь». 35 экспанатаў збору ўключаны ў Дзяржаўны спіс гісторыка-культурных каштоўнасцяў Рэспублікі Беларусь[4][5].

Гісторыя правіць

Пачатак фарміравання калекцыі быў пакладзены ў 2011 годзе, калі Белгазпрамбанк у цесным узаемадзеянні з Нацыянальнай камісіяй па справах ЮНЕСКА (тагачасны старшыня камісіі — Уладзімір Шчасны) набыў у Надзін Нешавер, эксперта па Парыжскай школе 1905—1939 гг.[6], шэраг твораў Пінхус Крэменя, Міхаіла Кікоіна, Восіпа Любіча, Шрага Царфіна[7] — мастакоў Парыжскай школы яўрэйскага паходжання, якія нарадзіліся на Беларусі.

Далейшае папаўненне калекцыі банк ажыццяўляў праз пакупкі на сусветных аўкцыёнах («Крысціс», «Сотбіс», «Артк’юрыал», «Макдугалс») і ў прыватных уладальнікаў. У 2012 годзе на таргах «Крысціс» у Лондане Белгазпрамбанк набыў працы Марка Шагала «Закаханыя» (1981) і Хаіма Суціна «Вялікія лугі ў Шартры з віядукам» (каля 1934)[8] — першыя ў Беларусі арыгінальныя жывапісныя творы гэтых сусветна вядомых мастакоў. Аднак, найбольш каштоўным набыццём Белгазпрамбанка стала карціна Суціна «Ева»[9], набытая на аўкцыёне «Сотбіс» у 2013 годзе за 1 805 000 долараў — самы дарагі мастацкі твор, набыты за гады незалежнасці Беларусі[10].

У 2018 годзе ў Беларусі з’явілася трэцяя праца Суціна — палатно «Заснулая з кнігай. Мадлен Кастэн».[11] Партрэт набыты банкам у Вялікабрытаніі за £ 359 тыс.[12]

Мастакі калекцыі правіць

Мастакі Парыжскай школы з Беларусі правіць

Аўтары, блізкія да мастакоў Парыжскай школы правіць

Аўтары праекта «Арт-Беларусь» правіць

Выставы правіць

Дата правядзення Назва выставы Музей Горад Краіна
верасень 2012 — студзень 2013 Мастакі Парыжскай школы з Беларусі[13] Нацыянальны мастацкі музей Рэспублікі Беларусь Мінск Беларусь
люты 2013 — красавік 2013 Мастакі Парыжскай школы з Беларусі Палац Румянцавых — Паскевічаў Гомель Беларусь
май 2013 — ліпень 2013 Мастакі Парыжскай школы з Беларусі Віцебскі мастацкі музей Віцебск Беларусь
март 2014 — ліпень 2014 Дзесяць стагоддзяў мастацтва Беларусі Нацыянальны мастацкі музей Рэспублікі Беларусь Мінск Беларусь
верасень 2014 — лістапад 2014 Мастакі Парыжскай школы з Беларусі[14] Віленская карцінная галерэя Вільнюс Літва
кастрычнік 2015 — лістапад 2015 Восеньскі салон з Белгазпрамбанкам Палац мастацтва Мінск Беларусь
люты 2016 — красавік 2016 Час і творчасць Леона Бакста Нацыянальны мастацкі музей Рэспублікі Беларусь Мінск Беларусь
красавік 2016 — чэрвень 2016 Час і творчасць Леона Бакста[15] Віленская карцінная галерэя Вільнюс Літва
ліпень 2016 — кастрычнік 2016 Час і творчасць Леона Бакста[16] Мастацкі музей «Рыжская біржа» Рыга Латвія

Галерэя правіць

  •  
    Хаім Суцін «Ева». Палатно, алей. 65×54 см. 1928. З карпаратыўнай калекцыі Белгазпрамбанка
  •  
    Леон Бакст «Эскіз касцюма Жар-птушкі да балета „Жар-птушка”». Папера; аловак, акварэль і гуаш, узмоцненыя срэбрам і золатам. 68x49 см. 1922. З карпаратыўнай калекцыі Белгазпрамбанка
  •  
    Валянцін Ваньковіч «Партрэт Тамаша Зана». Палатно, алей. 85,2 х 69 см. 1837-1839. З карпаратыўнай калекцыі Белгазпрамбанка
  •  
    Іосіф Аляшкевіч «Партрэт дамы ў сіняй шалі». Палатно, алей. 65 х 56 см. 1810-я. З карпаратыўнай калекцыі Белгазпрамбанка
  •  
    Францыск Скарына «Малая падарожная кніжка» (каля 1522). З карпаратыўнай калекцыі Белгазпрамбанка
  •  
    Сімяон Полацкі «Жазло праўлення» (1667). З карпаратыўнай калекцыі Белгазпрамбанка

Крыніцы правіць

  1. ↑ Карпаратыўная калекцыя Белгазпрамбанка(недаступная спасылка). Арт-Беларусь (1 чэрвеня 2016). Архівавана з першакрыніцы 22 мая 2016. Праверана 1 чэрвеня 2016.
  2. ↑ Белгазпрамбанк прадставіў калекцыю работ мастакоў Парыжскай школы з Беларусі. Беларускае бюро ПРАЙМ-ТАСС (21 верасня 2012). Праверана 16 верасня 2014.
  3. ↑ Мастацтва 2012, № 12 (снежань).
  4. ↑ В Беларусь назаўжды вярнуліся карціны Шагала і Суціна(недаступная спасылка). Интерфакс-Запад (9 красавіка 2012). Архівавана з першакрыніцы 23 жніўня 2017. Праверана 21 лістапада 2014.
  5. ↑ Аб праекце «Арт-Беларусь». Арт-Беларусь (14 жніўня 2017). Праверана 14 жніўня 2017.
  6. ↑ Надин Нешавер, эксперт Парижской школы 1905-1939.
  7. ↑ Надежда Белохвостик. Председатель правления Белгазпромбанка Виктор Бабарико: «Стыдно, когда на родине Шагала нет ни одной его работы». Комсомольская правда в Беларуси (30 мая 2012). Праверана 17 верасня 2014.(недаступная спасылка)
  8. ↑ Калекцыі карцін беларускіх банкаў. infobank.by (20 лістапада 2012). Праверана 16 верасня 2014.
  9. ↑ Описание лота «„Ева“ Хаима Сутина» (англ.)(недаступная спасылка). sothebys.com (7 мая 2013). Архівавана з першакрыніцы 1 ліпеня 2020. Праверана 18 верасня 2014.
  10. ↑ О.М.. На выставе «10 стагоддзяў мастацтва Беларусі» пакажуць карціну за мільён. CityDog.by (26 сакавіка 2014). Праверана 16 верасня 2014.
  11. ↑ Галина КОЖЕВНИКОВА. В Минске появилась третья картина Сутина. Случайно(недаступная спасылка). naviny.by (20 снежня 2018). Архівавана з першакрыніцы 1 ліпеня 2020. Праверана 3 студзеня 2019.
  12. ↑ Татьяна Маркина. Дейнека и Сутин лидировали на MacDougall’s (руск.). The Art Newspaper Russia (7 чэрвеня 2018). Праверана 3 студзеня 2019.
  13. ↑ Художники Парижской школы из Беларуси. Из коллекции Белгазпромбанка, музейных и частных собраний. С 22 сентября 2012 до 14 января 2013(недаступная спасылка). Сайт Национального художественного музея Республики Беларусь (9 кастрычніка 2012). Архівавана з першакрыніцы 23 верасня 2015. Праверана 17 верасня 2014.
  14. ↑ Алина Гришкевич. На выставке в Вильнюсе представлены произведения всемирно известных белорусских художников Парижской школы(недаступная спасылка). БелТА (9 лістапада 2014). Архівавана з першакрыніцы 14 верасня 2014. Праверана 17 верасня 2014.
  15. ↑ Наталия Зверко. В Вильнюс привезли картину Бакста за миллион. Delfi.lt (29 красавіка 2016). Праверана 2 чэрвеня 2016.
  16. ↑ Александр Малнач. Всем миром: выставка «Лев Бакст и его время» открылась в Риге(недаступная спасылка). BaltNews.lv (6 ліпеня 2016). Архівавана з першакрыніцы 11 лістапада 2016. Праверана 10 лістапада 2016.

Літаратура правіць

  • Агафонава Н., Белявец А., Грамыка Л., Мушынская Т. 2012: падзеі і тэндэнцыі // Мастацтва : часопіс. — Мн.: 2012. — № 12 (снежань).
Узята з "https://be.wikipedia.org/w/index.php?title=Карпаратыўная_калекцыя_Белгазпрамбанка&oldid=4622012"