Маргарыта Пармская

Маргарыта Пармская (італ.: Margherita d'Austri; 5 ліпеня 1522, Аўдэнардэ — 18 студзеня 1586, Артона) — герцагіня Пармская і штатгальтар Іспанскіх Нідэрландаў з 1559 па 1567 год, пазашлюбная дачка Карла V.

Маргарыта Пармская
італ.: Margherita d'Austri
Партрэт Маргарыты працы Антоніса Мора, 1562, Берлінская карцінная галерэя
герцагіня Пармская 1538 — 1586
штатгальтар Нідэрландаў 1559 — 1567
Папярэднік	Эмануіл Філіберт
Пераемнік	герцаг Альба
Нараджэнне	5 ліпеня 1522 ці 28 снежня 1522 Аўдэнардэ[d], акруга Аўдэнардэ[d], Усходняя Фландрыя, Бельгія
Смерць	18 студзеня 1586(1586-01-18)[…] (63 гады) Артона[d], правінцыя К’еці[d], Абруца, Італія
Месца пахавання	San Sisto, Piacenza[d]
Род	Габсбургі
Бацька	Карл V
Маці	Іагана ван дэр Гейнст
Муж	Атавіа Фарнезэ
Дзеці	Алесандра
Дзейнасць	палітык, арыстакратка
Медыяфайлы на Вікісховішчы

Біяграфія

Дачка палюбоўніцы Карла, Іаганы ван дэр Гейнст, фламандкі паводле паходжання. Выхоўвалася ў Бруселі спачатку пры двары сваёй стрыечнай бабкі Маргарыты Аўстрыйскай, а пазней пры двары сваёй цёткі Марыі, удавы караля Венгрыі, якія былі штатгальтарамі Іспанскіх Нідэрландаў з 1507 па 1530 і з 1530 па 1555 гады адпаведна. У 1533 годзе з дазволу бацькі ёй было дазволена насіць імя Маргарыты Аўстрыйскай.

У 1527 годзе ва ўзросце сямі гадоў яна была заручана з пляменнікам Папы Клімента VII, Алесандра Медычы, герцагам Фларэнцыі, якога шматлікія даследчыкі лічаць сынам Папы. 29 лютага 1536 года яны ажаніліся, а ў 1537 годзе Алесандра быў забіты. 4 лістапада 1538 года яна стала жонкай Атавіа Фарнезэ, герцага Пармы, унука Папы Паўла III. Жаніху было ў той час трынаццаць гадоў, а нявесце шаснаццаць. Іх саюз быў нешчаслівы. Маргарыта нарадзіла двух хлопчыкаў блізнят, адзін з якіх памёр у маленстве.

Паколькі яна добра ведала нідэрландскія звычаі і была ў курсе ўсяго, што адбывалася ўБруселі, Філіп II прызначыў яе ў 1559 годзе штатгальтарам Нідэрландаў, дзе ёй спачатку дапамагаў Гранвела. Там Маргарыта сутыкнулася з супраціўленнем інквізіцыі і іспанскаму дэспатызму. У жніўні 1567 года з Іспаніі прыехаў герцаг Альба, якому Філіп II надаў вялікія паўнамоцтвы, што ператварылі яе пасаду ў пустую фармальнасць.

Маргарыта пакінула сваю пасаду і вярнулася да свайго мужа ў Італію, дзе і памерла ў 1586 годзе ў Артоне. У гонар яе названа спраектаваная Рафаэлем віла Мадама. Яна яшчэ застала той час, калі яе сын Алесандра стаў у 1578 годзе штатгальтарам Нідэрландаў.

Дзеці

• Алесандра — штатгальтар Нідэрландаў