Адкрыць галоўнае меню

Алмазбек Шаршэнавіч Атамбаеў

(Пасля перасылкі з Алмазбек Атамбаеў)

Алмазбек Шаршэнавіч Атамбаеў (нар. 17 верасня 1956, с. Арашан, Аламудунскі раён, Чуйская вобласць, Кіргізская ССР) — кіргізскі дзяржаўны дзеяч. Прэм’ер-міністр Урада Кыргызскай Рэспублікі, старшыня Сацыял-дэмакратычнай партыі Кіргізіі. Прэзідэнт Кыргызстана з 2011 па 2017 год.

Алмазбек Шаршэнавіч Атамбаеў
кырг.: Алмазбек Шаршенович Атамбаев
Алмазбек Шаршэнавіч Атамбаеў
На сустрэчы са Старшынёй Урада Расійскай Федэрацыі У. У. Пуціным 20 сакавіка 2012 года
сцяг
3-ці Прэзідэнт Кыргызстана
1 снежня 2011 — 24 лістапада 2017
Папярэднік: Курманбек Саліевіч Бакіеў
Пераемнік: Сааранбай Шарыпавіч Жаэнбекаў
сцяг
18-ы Прэм'ер-міністр Кыргызстана
17 снежня 2010 — 1 снежня 2011
Папярэднік: Роза Ісакаўна Атунбаева
Пераемнік: Амурбек Тактагулавіч Бабанаў
сцяг
14-ы Прэм'ер-міністр Кыргызстана
29 сакавіка 2007 — 28 лістапада 2007
Папярэднік: Азім Бейшэнбаевіч Ісабекаў
Пераемнік: Іскендэрбек Рысбекавіч Айдараліеў
сцяг
Міністр прамысловасці, гандлю і турызму Кыргызстана
верасень 2005 — красавік 2006
Папярэднік: в. а. Туратбек Джунушаліеў
Пераемнік: Медэтбек Керымкулаў
 
Партыя: старшыня Сацыял-дэмакратычнай партыі Кыргызстана
Адукацыя:
Прафесія: інжынер-эканаміст, арганізатар кіравання вытворчасцю
Дзейнасць: палітык, эканаміст
Веравызнанне: суніты і іслам
Нараджэнне: 17 верасня 1956(1956-09-17)[1][2] (63 гады)
Жонка: Жанаты
Дзеці: ёсць дзеці
 
Узнагароды:
Кавалер ордэна «Манас» 2 ступені
Кавалер ордэна «Данакер»
KRG Medal Dank.png
Raisa Atambayeva, Almazbeк Atambayev, Ilham Aliyev and Mehriban Aliyeva in 2012

Стаў першым усенародна абраным прэзідэнтам краіны, які добраахвотна перадаў уладу. Ён не вылучаўся на чарговы тэрмін, вырашыўшы падтрымаць кандыдата Сааранбая Жээнбекава. Але пасля змены ўлады паміж палітыкамі ўзнік канфлікт[3].

Парламент Кыргызстана 20 чэрвеня 2019 года перадаў у пракуратуру пералік абвінавачванняў у адрас А. Атамбаева, падрыхтаваны спецыяльнай дэпутацкай камісіяй. Былы прэзідэнт абвінавачваецца ў карупцыі пры мадэрнізацыі ЦЭЦ Бішкека, вызваленні па падробленых медыцынскіх лістках лідара злачыннай групоўкі, незаконным пераводзе зямель і іншых дзеяннях. Парламент краіны 27 чэрвеня прагаласаваў за пазбаўленне Атамбаева недатыкальнасці і статусу экс-прэзідэнта, што дае магчымасць прыцягнення яго да крымінальнай адказнасці[4][5]. Пасля гэтага былы кіраўнік Кыргызстану тройчы атрымліваў выклікі на допыты ад следчых МУС, але на іх не з’яўляўся.

7 жніўня 2019 года атрад спецназа прыбыў у дом Алмазбека Атамбаева ў вёсцы Кой-Таш недалёка ад Бішкека, каб затрымаць яго. Тут знаходзіліся некалькі сотняў прыхільнікаў былога прэзідэнта. Увечары спецслужбы пачалі аперацыю па затрыманні, былы прэзідэнт забарыкадаваўся ў адным з пакояў. Прыхільнікі Атамбаева захапілі некалькіх спецназаўцаў: у іх адабралі зброю, а некаторых моцна збілі[6]. Адзін спецназавец памёр ад агнястрэльнага ранення, шэсць супрацоўнікаў спецпадраздзялення былі ўзятыя ў закладнікі і адпушчаныя на наступны дзень[7].

Атамбаеў выступіў са зваротам у эфіры мясцовага тэлеканала і сказаў, што гатовы быў даць пісьмовыя паказанні, «але ўлада не прыслухалася» да яго заклікаў «дзейнічаць у рамках закону»[8]. Дзейны Прэзідэнт Кыргызстана С. Жээнбекаў звінаваціў А. Атамбаева ў парушэнні Канстытуцыі[9][10]. Алмазбека Атамбаева затрымалі ў сяле Кой-Таш у другі дзень штурму; ён здаўся, але сутыкненні працягваліся.

За 7, 8 і 9 жнiўня медыцынская дапамога была аказана 136 пацярпелым. Начальнік ГУУС Кыргызстана па Чуйскай вобласці Самат Курманкулаў атрымаў траўму галавы і трапіў у кому[11][12].

13 чэрвеня кіраўнік Дзяржаўнага камітэта нацыянальнай бяспекі Кыргызстана Аразбек Апумбаеў заявіў, што былы прэзідэнт Алмазбек Атамбаеў рыхтаваў дзяржаўны пераварот. Ён адзначыў таксама, што ў байца спецназа, які загінуў пры спробе затрымання Атамбаева, страляў сам былы прэзідэнт[13].

Зноскі

  1. Almasbek Atambajew // Munzinger-Archiv — 1913. Праверана 9 кастрычніка 2017.
  2. Almasbek Atambajew // Brockhaus Enzyklopädie Праверана 9 кастрычніка 2017.
  3. svaboda.org
  4. tass.ru
  5. zviazda.by
  6. svaboda.org
  7. svaboda.org
  8. svaboda.org
  9. rbc.ru
  10. nn.by
  11. ria.ru
  12. nn.by
  13. nn.by

Шаблон:Прэм'ер-міністры Кыргызстана