Аляксандра Аляксандраўна Ракіцянская

Аляксандра Аляксандраўна Ракіця́нская (нар. 1 снежня 1921) — беларуская вучоная ў галіне гематалогіі і імуналогіі, доктар медыцынскіх навук (1972), Заслужаны ўрач БССР (1984).

Аляксандра Аляксандраўна Ракіцянская
Дата нараджэння	1 снежня 1921(1921-12-01) (102 гады)
Месца нараджэння	Бугульма, Бугульмінскі кантон[d], Татарская АССР[d], РСФСР
Грамадзянства	СССР
Род дзейнасці	гематолаг, імунолаг, медыцынскі адміністратар
Навуковая сфера	гематалогія і імуналогія
Месца працы	Рэспубліканскі навукова-практычны цэнтр трансфузіялогіі і медыцынскіх біятэхналогій
Навуковая ступень	доктар медыцынскіх навук (1972)
Альма-матар	Мінскі медыцынскі інстытут (1948)
Узнагароды

Біяграфія

Нарадзілася ў горадзе Бугульма (сучасны адміністрацыйны цэнтр Бугульмінскага раёна Татарстана, Расія). У 1948 годзе скончыла Мінскі медыцынскі інстытут. У 1948—1988 гадах працавала ў Беларускім навукова-даследчым інстытуце гематалогіі і пералівання крыві, дзе з 1974 года кіравала аддзелам.

Навуковая дзейнасць

Аўтар навуковых прац па метадах дыягностыкі і лячэння хвароб крыві, імунатэрапіі лейкозаў і анемій. Займалася распрацоўкай імунастымуляваных прэпаратаў. Сааўтар шэрагу вынаходстваў.

Сярод апублікаваных прац:

• Электрофорез клеток крови в норме и патологии. — Мн., 1974 (разам з С. С. Харамоненкам);
• Диагностика и лечение кровотечений у больных гемофилией: (методические рекомендации) / [составители: А. А. Ракитянская, Е. Н. Хомич]. — Мн., 1979;
• Иммуностимулирующие свойства эритрофосфатида — нового лечебного препарата (у сааўтарстве) // Доклады АН БССР. 1991. Т. 35. № 2.

Літаратура

• Ракіцянская Аляксандра Аляксандраўна // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 284. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• Банк патентов РФ на изобретения и промышленные образцы ФИПС Роспатента (руск.)
• Ракіцянская Аляксандра Аляксандраўна на сайце анлайн-энцыклапедыі «Беларусь у асобах і падзеях»