Аляксандр Барысавіч Кашпераў

Алякса́ндр Бары́савіч Кашпе́раў (нар. 11 чэрвеня 1946) — беларускі акцёр. Заслужаны артыст Рэспублікі Беларусь. Вядучы майстар сцэны Тэатра-студыі кінаакцёра Нацыянальнай кінастудыі «Беларусьфільм».

Аляксандр Барысавіч Кашпераў
Дата нараджэння	11 чэрвеня 1946(1946-06-11) (78 гадоў)
Месца нараджэння	Мінск, БССР, СССР
Грамадзянства	Беларусь
Месца працы	Беларускі дзяржаўны акадэмічны тэатр юнага гледача Беларускі паэтычны тэатр аднаго акцёра «Зніч»
Прафесія	акцёр
Узнагароды	Ганаровая грамата Міністэрства культуры Беларусі[d] (2005)
IMDb	ID 5505405

Біяграфія

У 1967 годзе паступіў у тэатральную студыю пры Акадэмічным тэатры імя Янкі Купалы, быў запрошаны ў якасці акцёра ў Рэспубліканскі тэатр юнага гледача, дзе сыграў больш за 40 роляў. Сярод іх такія пастаноўкі, як «Два клёна», «Чаму ж мне не пець», «Зеленая птица», «С любимыми не расставайтесь». Гэтыя працы прынеслі акцёру першую папулярнасць, любоў гледачоў і цікавасць да яго прафесіяналаў.

У паслужным спісе акцёра больш за 160 роляў у фільмах кінастудыі «Беларусьфільм» і кінакампаній блізкага і далёкага замежжа. Шмат працуе на беларускім тэлебачанні і радыё.

У Беларускіма паэтычным тэатры аднаго акцёра «Знiч» выконвае ролю ў спектаклі «Красёнцы жыцця» паводле паэмы Якуба Коласа «Новая зямля».

Прызы і ўзнагароды

• Падзяка Міністэрства культуры Рэспублікі Беларусь за высокае прафесійнае майстэрства (1997)
• Дыплом Рэспубліканскага камітэта Беларускага прафсаюза работнікаў культуры «За стварэнне выявы галоўнага героя ў спектаклі „Тэатр купца Епішкіна“» (1999)
• «Найлепшая мужчынская роля» у спектаклі «Шчаўкунок» на VII Міжнародным кінафестывалі краін садружнасці незалежных дзяржаў і Балтыі «Лістапад-2000»
• Дыплом «За найлепшую мужчынскую ролю другога плана» (х/ф «Паміж жыццём і смерцю») на IV Нацыянальным фестывалі беларускіх фільмаў (Брэст, 2003)
• Медаль Беларускага саюза кінематаграфістаў № 153 «За выбітныя заслугі ў Беларускім кінематографе» (2004)
• Ганаровая грамата Міністэрства культуры Рэспублікі Беларусь (2005)
• Прыз Беларускага Саюза тэатральных дзеячаў «Крыштальная зорка» (2005)
• Спецыяльны дыплом III Міжнароднага тэатральнага форуму «Залаты Віцязь» «За найлепшы акцёрскі дуэт» Уладзіміру Грыцэўскаму і Аляксандру Кашпераву (спектакль «Мы ідзём глядзець „Чапаева“») (2005)
• Медаль Францыска Скарыны (Указ Прэзідэнта Рэспублікі Беларусь, ад 1 сакавіка 2006)

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх