Амазонскі прыродна-тэрытарыяльны комплекс (Калумбія)

Амазонскі прыродна-тэрытарыяльны комплекс
Амазонскі прыродна-тэрытарыяльны комплекс
	Амазонскія лясы
	Амазонскі ПТК на карце Калумбіі
Эказона	Неатропікі
Плошча	483 119 км²
Краіны	Калумбія
Дэпартаменты	Амасонас, Калумбія, Ваупес, Вічада, Гуаўяре, Гуайнія, Какета
Рэкі	Амазонка, Гуаўярэ, Жапура, Путумаё
Тып клімату	Трапічны

Амазонскі прыродны тэрытарыяльны комплекс (ісп.: Región Amazónica) − адзін з 6 прыродных тэрытарыяльных комплексаў Калумбіі. Знаходзіцца на поўдні Калумбіі і займае плошчу 483 119 км² або 41 % тэрыторыі краіны. З'яўляецца часткай больш шырокага экалагічнага рэгіёну Амазоніі, самай шырокай лясной зоны ў свеце, якая акрамя Калумбіі ўключае тэрыторыі Балівіі, Бразіліі, Венесуэлы, Гаяны, Перу, Сурынама і Эквадора.

Насельніцтва

Насельніцтва рэгіёну па перапісу 2005 года складае 742 429 чалавек. Самыя буйныя гарады рэгіёну − Фларэнсія і Сан-Хасэ-дэль-Гуаўярэ.

Эканоміка і транспарт

Сярод асноўных галін эканомікі рэгіёну развіваюцца рыбалоўства, жывёлагадоўля, высечка лесу і горная справа. У рэгіёне выяўленыя шырокія запасы нафты. Складанасць воднага басейна і нежаданне закрануць навакольнае асяроддзе абумоўлівае слабую развітасць транспартнай сістэмы рэгіёну. Асноўны спосаб доступу ў рэгіён − паветраны транспарт, у межах рэгіёну пераважае рачны транспарт. Самыя буйныя гарады злучаны з астатняй часткай краіны дарогамі.

Нацыянальныя паркі

На тэрыторыі Амазонскага прыроднага тэрытарыяльнага комплексу размешчаны 10 нацыянальных паркаў Калумбіі:

Альта-Фрагуа-Індзі-Васі (ісп.) (бел.
Амакаяку
Кахуінары (ісп.) (бел.
Ла-Пая (ісп.) (бел.
Нукак (ісп.) (бел.
Пуінавай (ісп.) (бел.
Рыа-Пурэ (ісп.) (бел.
Серанья-дэ-Чурумбелас-Аука-Васі (ісп.) (бел.
Сьера-дэ-Чырыбікетэ (ісп.) (бел.
Тынігуа (ісп.) (бел.

Зноскі

↑ Atlas del Estudiante, publicación del periódico El Espectador, Dorling Kindersley, 2008.

[Atlas-1] Atlas del Estudiante, publicación del periódico El Espectador, Dorling Kindersley, 2008.

[1]