Ам’ен

Ам’ен (фр.: Amiens, пікард.: Anmien) — горад на поўначы Францыі, на сямі рукавах ракі Сома. Галоўны горад гістарычнай вобласці Пікардыі. Адміністрацыйны цэнтр дэпартамента Сома. Насельніцтва 136 тыс. жыхароў.

Горад Ам’ен фр.: Amiens Герб Краіна Францыя Рэгіён О-дэ-Франс Дэпартамент Сома Каардынаты 49°54′ пн. ш. 2°18′ у. д. Мэр Брыжыт Фурэ Плошча 49,46 км² Вышыня НУМ 33 м Водныя аб’екты Рака Сома Насельніцтва 136 тыс. чалавек Часавы пояс UTC+1, летам UTC+2 Паштовы індэкс 80000 Афіцыйны сайт amiens.fr Ам’ен на карце Францыі

Медыяфайлы на Вікісховішчы

Эканоміка і адукацыя

Як і іншыя гарады на паўночным захадзе Францыі, Ам’ен адвеку быў буйным цэнтрам тэкстыльнай прамысловасці. У цяперашні час у горадзе прадстаўлены такія галіны, як машынабудаванне, лёгкая, хімічная прамысловасць. У 1970 годзе адкрыўся ўніверсітэт Пікардыі, які носіць імя знакамітага ам’енца Жуля Верна.

Славутасці

Ам’ен моцна пацярпеў падчас абедзвюх сусветных войнаў. Цэнтр горада з адноўленай ратушай XVII стагоддзя, царквой Сен-Жэрмен XV стагоддзя і тэатрам часоў Людовіка XVI быў адбудаваны ў пасляваенны час.

Галоўная славутасць горада — Ам’енскі сабор, здольны змясціць больш вернікаў, чым любы іншы гатычны храм Францыі. Джон Роскін назваў яго найчыстым узорам готыкі. З 1981 г. сабор знаходзіцца пад аховай ЮНЕСКА як помнік Сусветнай спадчыны чалавецтва.

Зборы старажытнаегіпецкага, антычнага і заходнееўрапейскага мастацтва размешчаны ў музеі Пікардыі — адным з найбуйнейшых рэгіянальных музеяў Францыі.

• 
  Сабор Нотр-Дам
• 
  Вайсковыя могілкі
• 
  Ратуша
• 
  Дом, у якім у 1872-1905 гг. жыў і працаваў Жуль Верн
• 
  Бефруа

Спасылкі

• На Вікісховішчы ёсць медыяфайлы па тэме Ам’ен
• Афіцыйны сайт (фр.)