Анатоль Мікалаевіч Сарокін

Анатоль Мікалаевіч Саро́кін (нар. 21 мая 1940) — гісторык, доктар гістарычных навук (1980), прафесар.

Анатоль Мікалаевіч Сарокін
Дата нараджэння	21 мая 1940(1940-05-21) (82 гады)
Месца нараджэння	Мінск, Мінская вобласць, БССР, СССР
Грамадзянства	СССР  Беларусь
Род дзейнасці	навуковец
Навуковая сфера	гісторык
Месца працы	Інстытут гісторыі НАНБ ВАК РБ БІП — Універсітэт права і сацыяльна-інфармацыйных тэхналогій
Навуковая ступень	доктар гістарычных навук (1980)
Навуковае званне	прафесар
Альма-матар	Мінскі дзяржаўны педагагічны інстытут імя А. М. Горкага

Біяграфія

А. М. Сарокін нарадзіўся ў Мінску. У 1962 годзе скончыў бібліятэчны факультэт Мінскага педагагічнага інстытута. З 1965 года працаваў у Інстытуце гісторыі Нацыянальнай акадэміі навук Беларусі (займаў пасаду загадчыка аддзела). У 1997—2000 гадах начальнік аддзела Вышэйшай атэстацыйнай камісіі Рэспублікі Беларусь. З 2000 года — прафесар кафедры тэорыі і гісторыі права Беларускага інстытута правазнаўства.

Навуковая дзейнасць

Аўтар навуковых прац па праблемах агульнай і эканамічнай гісторыі Беларусі, прававога рэгулявання грамадскіх адносін, сацыяльных выбухаў, палітычных рэпрэсій, па гістарыяграфіі. Адзін з аўтараў сумесных выданняў «Гісторыя Беларускай ССР», «Развіццё эканомікі Беларусі ў 1928—1941 гг.», «Гісторыя рабочага класа Беларускай ССР».

Сярод апублікаваных прац:

• Совхозы БССР в период построения фундамента социализма (1926―1932 гг.) — Мн.: Наука и техника, 1971;
• Совхозы Белорусской ССР (1917—1941 гг.) — Мн.: Наука и техника, 1979;
• Победа колхозного строя в Белорусской ССР / М. П. Костюк, В. А. Полуян, А. Н. Сорокин и др. — Мн. : Наука и техника, 1981;
• Эксперимент: Человек и земля. — Мн., 1994;
• Старонкі з гісторыі дзяржавы і права Беларусі: Вучэб.-метад. дапамож. для кантралюемай самастойнай работы / А. М. Сарокін. — Мн.: НА ТАА «БІП-С», 2004. — 94 с. — ISBN 955-6537-87-8;
• Метамарфозы… гісторыі: зараджэнне і развіццё беларускай нацыянальнай дзяржаўнасці. — Мн.: Права і эканоміка, 2013;
• Дороги Отчизны: княжества ― Республика Беларусь. — 2-е изд., дополненное. — Мн.: Право и экономика, 2016.

Літаратура

• Сарокін Анатоль Мікалаевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 184—185. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Сарокін Анатоль Мікалаевіч на сайце анлайн-энцыклапедыі «Беларусь у асобах і падзеях»
• Іофе Э. Р. Імі ганарыцца БДПУ // Настаўніцкая газета, 22, 25, 27 лістапада 2014 г.