Міхаіл Паўлавіч Касцюк
Міхаі́л Па́ўлавіч Касцю́к (26 сакавіка 1940, в. Масцішча, Навагрудскі раён, Гродзенская вобласць — 5 лютага 2019[1]) — беларускі гісторык. Акадэмік НАНБ (1996, член-карэспандэнт з 1989), доктар гістарычных навук (1980), прафесар (1987). Ганаровы архівіст Беларусі (2014). Ганаровы грамадзянін Навагрудскага раёна (2010).
| Міхаіл Паўлавіч Касцюк | |
|---|---|
 | |
| Дата нараджэння | 26 сакавіка 1940 |
| Месца нараджэння | |
| Дата смерці | 5 лютага 2019 (78 гадоў) |
| Грамадзянства | |
| Род дзейнасці | навуковец |
| Навуковая сфера | гісторыя |
| Месца працы | |
| Навуковая ступень | доктар гістарычных навук (1980) |
| Навуковае званне |
|
| Альма-матар | |
| Навуковы кіраўнік | Іван Сяргеевіч Краўчанка |
| Партыя | |
| Член у | |
| Узнагароды | |
 Цытаты ў Вікіцытатніку | |
Біяграфія
правіцьСкончыў гістарычна-філалагічны факультэт Гродзенскага педагагічнага інстытута (1963). З 1969 года працаваў у Інстытуце гісторыі АН БССР, у 1970—1975 гадах вучоны сакратар. У 1975—1981 гадах — вучоны сакратар Інстытута гісторыі партыі пры ЦК КПБ. У 1981—1989 гадах намеснік дырэктара Інстытута гісторыі АН БССР, у 1989—1999 гадах дырэктар Інстытута гісторыі НАН Беларусі. З 1999 года — загадчык аддзела, з 2007 — галоўны навуковы супрацоўнік Інстытута гісторыі НАН Беларусі.
У 1969 годзе абараніў кандыдацкую дысертацыю, у 1980 годзе — доктарскую. У 1989 годзе абраны членам-карэспандэнтам Акадэміі навук БССР, у 1996 — акадэмікам НАНБ. У 1998 годзе М. П. Касцюк стаў акадэмікам Цэнтральнай Еўрапейскай Акадэміі навук і мастацтва, Міжнароднай акадэміі навук Еўразіі[2].
Адзін з ініцыятараў стварэння Беларускай асацыяцыі гісторыкаў у 1993 годзе, яе старшыня з 1997 года.
Навуковая дзейнасць
правіцьЗаймаўся даследаваннем сацыяльна-эканамічнай і грамадска-палітычнай гісторыі Беларусі XX стагоддзя: гісторыі сялянства, рабочых, інтэлігенцыі. Вывучаў гісторыю дзяржаўнага і нацыянальна-культурнага будаўніцтва, пытанні ўсталявання і функцыянавання савецкай сістэмы ўлады, праблемы гістарыяграфіі, крыніцазнаўства і інш.
Аўтар звыш 300 навуковых прац, у тым ліку 4 індывідуальныя і звыш 10 калектыўных манаграфій. Касцюк з’яўляўся галоўным рэдактарам «Нарысаў гісторыі Беларусі» ў 2 частках (1994—1995) і «Гісторыі Беларусі» ў 6-ці тамах (2000—2011)
Працы
правіць- Победа колхозного строя в Белорусской ССР / М. П. Костюк, В. А. Полуян, А. Н. Сорокин и др. — Мн. : Наука и техника, 1981.
Манаграфіі
правіць- Идейно-политическое воспитание крестьянства. Из опыта работы Компартии Белоруссии в период строительства социализма (1926—1937 гг.). — Минск, 1979.
- Трудовой вклад крестьянства в победу и упрочение социализма (на материалах БССР). — Минск, 1986.
- Социалистические ценности тружеников села: история, современность, перспективы. — Минск, 1989.
- Бальшавіцкая сістэма ўлады на Беларусі. — Мінск, 2000.
Артыкулы
правіць- Беларусізацыя як форма нацыянальнай палітыкі // Полымя. — 2012. — № 5. — С. 123-132.
- Сталіншчына і Беларусь // Беларускі гістарыны часопіс. — 1995, № 1-2.
Прызнанне
правіць- Ганаровая грамата Вярхоўнага Савета БССР (1981)
- Медаль Францыска Скарыны (2010)
- Прэмія НАН Беларусі і СА РАН?! (2003) імя акад. В. А. Капцюга за кнігу «Нарыс гісторыі беларусаў у Сібіры ў XIX-XX стст. (руск.)».
Крыніцы
правіць- ↑ Памёр Міхаіл Касцюк — адзіны ў Беларусі акадэмік-гісторык // nashaniva.by, 05.02.2019, 11:49
- ↑ Касцюк Міхаіл Паўлавіч на сайце анлайн-энцыклапедыі «Беларусь у асобах і падзеях»
Літаратура
правіць- Касцю́к Міхаіл Паўлавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 160. — 10 000 экз. — ISBN 985-11-0035-8. — ISBN 985-11-0144-3 (т. 8).
- Касцю́к Міхаіл Паўлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 378. — 800 с. — 5 000 экз. — ISBN 985-11-0026-9.
Спасылкі
правіць
|
Міхаіл Паўлавіч Касцюк у Вікіцытатніку |
|---|
- Міхаіл Паўлавіч Касцюк у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі
- Сяргей Навумчык. Чалавек, які дапамог «Пагоні» зрабіцца дзяржаўным сымбалем // Радые Свабода, 5 лютага 2019