Андрэй Тавянскі
Андрэй Тамаш Міхал Караль Тавянскі[4] (польск.: Andrzej Tomasz Michał Karol Towiański; 1 студзеня 1799[1][2], Анташвінцы[d], Вількамірскі павет, Літоўская губерня, Расійская імперыя — 13 мая 1878[1][2], Цюрых[3]) — польскі памешчык, філосаф і рэлігійны дзеяч, месіяніст. Лідар тавянчыкаў, арганізацыі, таксама вядомай як Кола Божай Справы.
| Андрэй Тавянскі | |
|---|---|
| польск.: Andrzej Tomasz Michał Karol Towiański | |
 | |
| Род дзейнасці | філосаф, cult leader, рэлігійны лідар |
| Дата нараджэння | 1 студзеня 1799[1][2] |
| Месца нараджэння | |
| Дата смерці | 13 мая 1878[1][2] (79 гадоў) |
| Месца смерці |
|
| Грамадзянства | |
| Альма-матар | |
| Член у | |
 Медыяфайлы на Вікісховішчы | |
Біяграфія
правіцьПаходзіў з Віленшчыны. Быў сынам Якуба Тавянскага гербу Гералт і Ізабэлы, народжанай Памарнацкай[5][6]. Вывучаў права ў Віленскім імператарскім універсітэце, быў асэсарам Галоўнага суда ў Вільні. 11 траўня 1828 года ў Бернардзінскім касцёле перажыў рэлігійнае адкрыццё. Гэта пацвердзіла ягоную веру, якой ён прытрымліваўся з дзяцінства, што змаганнем са зброяй у руках немагчыма змяніць рэчаіснасць да лепшага, што вынікае з нянавісці да іншых людзей.
У 1830 годзе ажаніўся з Каралінай Макс. У 1837 годзе пасля смерці бацькі заняў маёнтак у Анташвінцах. У 1840 годзе пакінуў сямейны маёнтак і сям’ю (у тым ліку пецярых дзяцей)[7] і выехаў у Парыж, дзе пасля паражэння паўстання 1830—1831 гадоў асела польская культурная эліта. Ён згуртаваў вакол сябе вучняў з эміграцыі, у іх ліку: Адам Міцкевіч, Юльюш Славацкі, Севярын Гашчынскі, Караль Балінскі, Геранім Напалеон Банькоўскі, мастак Валенцій Ваньковіч і фатограф Міхал Швейцэр.
У 1842 годзе быў высланы з Францыі праз абвінавачванне ў шпіянажы на карысць Расійскай імперыі. Ён назаўсёды пасяліўся ў Цюрыху, дзе вёў сваю дзейнасць да канца жыцця. Ён двойчы намагаўся сустрэцца з Папам Рымскім, каб пераканаць яго ў хрысціянскай рэвалюцыі, гэта значыць увесці евангельскія прынцыпы ў міжнародныя адносіны. Не дапушчаны да Папы, ён напісаў лісты Грыгорыю XVI і Пію IX, на якія не атрымаў адказу.
Пахаваны на могілках Зільфельд у Цюрыху.
Крыніцы
правіць- ↑ а б в г Andrzej Towiański // CERL Thesaurus — Consortium of European Research Libraries. Праверана 9 кастрычніка 2017.
- ↑ а б в г Andrzej Tomasz Towiański // Internetowy Polski Słownik Biograficzny
- ↑ а б Catalog of the German National Library Праверана 13 красавіка 2024.
- ↑ Дзмітрый Матвейчык. Браты Янушкевічы і тавянізм: складаныя шляхі Вялікай эміграцыі | Нацыянальны гістарычны архіў Беларусі. niab.by. Праверана 29 ліпеня 2024.
- ↑ Andrzej Towiański – Paryskie salony romantyków (польск.). Праверана 29 ліпеня 2024.
- ↑ GD Andrzej Tomasz Michał Karol Towiański h. Gierałt . geni_family_tree (2 чэрвеня 2024). Праверана 29 ліпеня 2024.
- ↑ Chwila przełomu w życiu Adama Mickiewicza. W: Ferdynand Hoesick: Szkice i opowiadania historyczno-literackie. Warszawa: Gebethner i Wolff, 1900, s. 187. [dostęp 2021-06-09].
Спасылкі
правіць
|
Андрэй Тавянскі на Вікісховішчы |
|---|